ما انساك ابد حالف لحد الموت
انت اول حبيب العرف عنواني
ما اكلك اكرهك بالعكس حبيت
يل طبعك عسل مجنون خلاني
بس طبعي وكلمتي ماتصير ثنين
وتدري انت الزمان شلون اذاني
وحظي اني عرفته مانصف وياي
ماجابك اليه في وقت ثاني
مامقسوم احبك وابتدي وياك
بس مكتوب دوم بحبك اعاني
ما اكلك انساني بس اكلك روح
وياك الوكت محتار خلاني
اعتب عالزمان الماجمعني وياك
وبدرب السراب شلون مشاني
بعد كول البنيته وبيه ماظل حيل
اجه بلحظه الزمان وهدم بنياني
لاصاحب تركته ولاحبيب وياي
وعلى صفحه حزن خطيت عنواني
الف مبروك اكلك من كلب والسان
مو كلمه واجتني بطارف اللساني
والف مليون احبك وعمري ما انساك
وانت براحتك لو ردت تنساني
رد مع اقتباس
المشاركة الأصلية كتبت بواسطة حيدر الغديري
