وصل حزني بغيابك شي صعب ينقاس
بحيث انفاسي تطلع لابسه اسود
//
علية الحزن سير كتله شتريد
كال ارتاح كلش من اشوفك
//
بالعباس احلفك وانت مامجبور
هم بعدك تحبني لو خلص وكتي
//
جابولي خبر كالولي ناسيك
جابيد الشماته تودي الاخبار؟
//
نار الشوك كبت حركت الجيران
بس الله سترها ومطرت الدنيا
//
من كد ما اجدي لشوفتك كل يوم
امس حسبولي راتب بالرعاية
//
اذا ماكو كبل شيخلص الليل
نظل دياح نفتر بالكهاوي
//
حيره شتكتب وناسك يقنعون
والتعليق صاير شغلة عناد
//
ملك الموت قافل جاي كتال
شاف جروحي كومة كال غلس
//
علية تأخرت ماتسأل شبيك
موجنت ظلعك لو اني غلطان
//
شلونك يالمقصر كلش وياي
شمسويلي حته اشتاقلك هيج
رد مع اقتباس
