راح اخلي الليل يكتبلج قصيدة ....بقلميــــــــ
راح اخلي الليل يكتبلج قصيدة
والفجر يستمع الهه....
ويسمع اسمج بالشطر ويكول عيدة
والصبح جايبلة وردة
الج ويقدمها بيده
الج ياارقى حبيبة
يافرح دنياي ياحظي ونصيبة
وحتى عيد الحب اجالج
يشكرج يمحلية عيده
وانتي يل كلشي اريده
يانوارس روحي يل طرتي بعيد
انه احضاني شواطىء
حطي يمي ....هنانه بيه
مو اخاف اعليج واسمانه بعيدة
يلي صوتج تارك بأذاني نغمة
واستمع الها بهدوء
واشعر بدنيا سعيدة
ومن اشوف عيونج افرح
جن فرح فاقد رجع يمه فقيده
وجن فرح مسجون قد طلقوا سراحه
وصارت الدنيا جميلة....وانسن اهموم قيده
وارد اراويج اشتياقي
اي شي الي ماظال بيه
فقط بس الشوك باقي
يخلص ويومية ازيده
والوهم يغشيلي عيني
اي شي اشوفنه مزيف
فقط بس انتي الاكيدة
وشوفتج صارت محطة
والبعد كسر السكة
اشلون اوصلها المحطة !!!
اه من فركة عنيدة
راح احط روحي بقصيدة
وراح انخالي حمامة ...وبلكي اوصل بالسﻻمة...
الج وبحلة جديدة
اي هي هاي احسن طريقة
واكتشف بيها حقيقة
ابغيابج اي شي مااكدر اجيده
فقط بس الشعر اجيده
بقلمي المتواضع
حيدر الغديري
7/2/2014
رد مع اقتباس
