هنا

[Samer]

يلا لعد ماكو كلمات جديدة ؟؟ .. لو اشوف شكو ماكو بجعبتي

[عادل الابراهيمي]

هاااااا لحظة استادي اني اجيت..
السلام عليكم ورحمة الله وبركاته ..
منو يگدر يترجم المفردات التالية:

1. مچعوچ
2. مغندب
3. متنگ
4. بربخ
5. مفرفح
6. مدوخن
7. رطينة
8. متوهدن
9. محنفش
10. مدنفش.
وسلامتكم..
برعاية الله وحفظه..
لا تنسوني بالدعاء.

[الدمعة الحرة]

خوقه = قطعة القماش التي تستخدم للمسح
شنشوط = شريط قماشي كان يستخدم ايام زمان لربط فم الكيس
بياله = قدح الشاي الاستكان

يؤيؤ ..
طلعنا نستخدمهم تدرووون.. وبنفس المعاني بس عن الفشايل استحيييت اكتبهن..

فيفو.. لازم تكون ارادتنا قوية والا مراح نكدر نستمر مو لو مو مو..؟؟

[الدمعة الحرة]

هاااااا لحظة استادي اني اجيت..
السلام عليكم ورحمة الله وبركاته ..
وعليكم السلام ورحمة الله وبركاته
منو يگدر يترجم المفردات التالية:

1. مچعوچ
2. مغندب
3. متنگ.. يمكن مو مفتهم او مخه مقفل..
4. بربخ
5. مفرفح.. مبسوط وسعيد وفرحان
6. مدوخن
7. رطينة
8. متوهدن
9. محنفش
10. مدنفش.
وسلامتكم..
برعاية الله وحفظه..
لا تنسوني بالدعاء.

اكو بعضهم احس اني فاهمته بس مو عارفة اشرحه..

يعطيكم الف عافية جميعا

مأجورين

[عادل الابراهيمي]

اكو بعضهم احس اني فاهمته بس مو عارفة اشرحه..

يعطيكم الف عافية جميعا

مأجورين

اخوان لتصدگون ترى ندى تتشاقة وياكم ..
اصلا هم 2/10 وهم تتشاقة مو معقول ..
اذا نجحتي اطگ بيضة ام الصفارين مال دجاجة بگعة مالت عرب مأصلة مو مال مصلحة!!!!!!!!!!!!!

[fairy touch]

هاااااا لحظة استادي اني اجيت..
السلام عليكم ورحمة الله وبركاته ..
منو يگدر يترجم المفردات التالية:

1. مچعوچ...........مكعبر (ملتف على نفسه بطرقة غير منتظمة)
2. مغندب............مقهور (زعلان)
3. متنگ............معصب وضايج (واصلة حدها عنده)
4. بربخ.......هاي عامية لو من الاحياء؟
5. مفرفح.........روحه رح تطلع ....(نافذ الصبر)
6. مدوخن........يمكن معناها دايخ (مراكبه غركَانة)
7. رطينة.....؟؟؟؟؟
8. متوهدن.....؟؟؟؟
9. محنفش.....نافش ريشه لغرض السيطرة على خلق الله
10. مدنفش.....سمين في جمال
وسلامتكم...... والله لا احد يعيب هاي اللي اعرفها ...عاد صح غلط الله يعلم
برعاية الله وحفظه..الله يحميك
لا تنسوني بالدعاء.

تعذرونا من التقصير والخطأ والسهو راجع للطرفين ...خخخخ

[ايفيان]

اخوان لتصدگون ترى ندى تتشاقة وياكم ..
اصلا هم 2/10 وهم تتشاقة مو معقول ..
اذا نجحتي اطگ بيضة ام الصفارين مال دجاجة بگعة مالت عرب مأصلة مو مال مصلحة!!!!!!!!!!!!!

اني ممصدكة استاذ لان نونااا اصلا ترجمت 2 من 10 وهمين خطأ حسب ما فهمتهن
واني ما ترجمتهن اخاف من الحسد
وابصم بالعشرة متنجح وما استثني نفسي لان بصراحة صعب تشرح

وهاي بيضتك المعجزة مدري منين راح تجيبها
يمكن راح تاخذ سونار للدجاج كلة

[عادل الابراهيمي]

تعذرونا من التقصير والخطأ والسهو راجع للطرفين ...خخخخ

ماكو تقصير بالموضوع كلمن بذل مجهود مميز ..
بالنسبة للاجوبة مال جناب حضرت الدكتورة المحترمة فكالآتي :

1. مچعوچ...........مكعبر (ملتف على نفسه بطرقة غير منتظمة)

مچعوچ : تعني متأثر من المرض الذي المّ به - وهي اشبه بالمعقوچ - الاان المعقوچ يطلق معنويا وليس بدنيا ..

2. مغندب............مقهور (زعلان)

پيرفكت..

3. متنگ............معصب وضايج (واصلة حدها عنده)

أكسلنت..

4. بربخ.......هاي عامية لو من الاحياء؟

عامية وبغدادية قديمة الآن انقرض استخدامه من الاجيال الجديدة يعني (( مالت عجايز وشياب حيل ))

5. مفرفح.........روحه رح تطلع ....(نافذ الصبر)

لو اني مترجمهه مراح اگدر اعبر عنهه مثل هذا التعبير الرائع والمرادف المطابق (( نافد الصبر )) وليس نافذ لان نفذ الشيء اخترق ونفد الشيء انتهى .

6. مدوخن........يمكن معناها دايخ (مراكبه غركَانة)

اجدت سيدتي منتهى الدوخة ومسطور من الصفنة ..

7. رطينة.....؟؟؟؟؟
8. متوهدن.....؟؟؟؟

خل نفسح المجال للاخوان قبل ما نترجمهن هم حگهم علينه وخاف يزعل استاد سامر علينه ويگول (( عباس المستعجل )).

9. محنفش.....نافش ريشه لغرض السيطرة على خلق الله

ممتاز جدا..

10. مدنفش.....سمين في جمال

لا احد يقول خطأ .. بل احسنت واجدت..

والله لا احد يعيب هاي اللي اعرفها ...عاد صح غلط الله يعلم

يمعودة كل هاي الدرجات واكو واحد يعيب اصلا اللي يعيب عليچ عاب حلگه..
اصلا اني ممتوقع هيچ اجابات من الاعضاء لان بيهن مصطلحات غير متداولة الان وحلت محلها الحداثة..
برعاية الله وحفظه.

[الدمعة الحرة]

خلاص يعني
تنصحوني ما اكمل المذاكرة والا شوو..

بس هاي عباس المستعجل عندنا بعد
خخخ


يعطيك العافية استاذي..
انت تعرفني ما استسلم.. بس راح اخذ استراحة محارب .. وتالي ارجع لكم ^^<< عن الفشايل يعني

[fairy touch]

يمعودة كل هاي الدرجات واكو واحد يعيب اصلا اللي يعيب عليچ عاب حلگه..
اصلا اني ممتوقع هيچ اجابات من الاعضاء لان بيهن مصطلحات غير متداولة الان وحلت محلها الحداثة..
برعاية الله وحفظه.

شكراً شكراً رفعتوا معنوياتنا ...
والله يحفظكم ويرعاكم