هنا

[ايفيان]

ههههههههههه .. ممتاز ..

بس كلمة (مزولف) .. يعني الولد اللي مسوي زلف بالجديد .. يعني جان زلفة طبيعي .. بس هسة مسويله زلف طويل .. او عموما معناها (مسوي زلف)

صدك .. هي كلمة (زلف ) اصلا شنو خخخخ .. الزلف هو الشعر اللي يمتد من شعر الرأس عل خد بحيث يطلع مسطرة هع .. صورة توضحية:




ما سامع الشاعر شيكول ؟ ..(اسود سواد الليل و الزلف اخضر) .. يعني شعره اسود فاحم .و الزلف يميل لونه للخضار بعد حلاقته
كلمة مدوحس بالضبط .. تطلق على الاصبع من يلتهي و يخزن جراحة .. بس هي كذلك تطلق على الشخص اللي شايل بقلبه (اجانا مدوحس) او (مدوحس كلبه)

ممممم بعد شكو ؟

مبولش مثل ما ذكرت .. البوليش هو التلميع ..يكولون (طكة بوليش) يعني مدحه بحيث الممدوح يحس بالزهو (و ينفش ريشة) .. و كذلك اخر مرحلة من صبغ السيارة (بعد مرحلة الصبغ) هي مرحلة البوليش يكول الراوي (صبغتها و بولشتها طلعت تخبل ) يقصد على سيارته


مزوبل .. عادة تطلق على الطير اللي ياكل من الأزبال .. عادة الطيور (الحمام) النوعيات الرديئة (مثل الاشعل) عنده استعداد ينزل و ياكل من الشوارع .. مرات الطير نوعيته زينة .. بس من صاحبه ما ينطيه اكل يضطر (يزوبل) .. و يتعلم بعد .. اكو نوعيات طيور غالية حتى لو جاعت ما تنزل تاكل من الأزبال بالشوارع ..

المصطلح طبعا اخذ مجال اوسع .. و يطلق ايضا على الشخص اللي ما عنده شغل و عمل و بنفس الوقت عديم الشخصية و يكون عادة ضيف شرف مزعج على الناس .. بحيث من ينطرد من شخص يروح (يزوبل) على شخص اخر

البقية كلها صحيحة

ايفيان .. جا طلع خوش موضوع

بصراحة مديرناااا شكيت بيك تعرف اجابات كلماتك ههههه

بس هذا الشرح الموسع عن الكلمات بددت هاي الشكوك

عود ابريلي ذمة

شكرا جزيلااااا للاطراء ومن ذوقك

واهلاااا وسهلااااا

[ايفيان]

حته لا تصير بلية ملح راح انطي فرصة للغير حتى يترجم هاي الكلمات

بالعكس استاذناا انت تنورنا بكل الاوقات

وفعلا نستمتع ونستفيد من الترجمات موشلون متتصور

وحتى حسيت بان اعضاءنا الكرام تقدموا بشكل كبير

بطريقة عرض الترجمة للمفردات المطلوبة

تسلمنا يا رب

[ايفيان]

دمغة: ايضا تأتي بمعنى ختم

صگعة: تأتي بمعنى ضربة على الرأس

ترجمتي المتواضعة وزين ترا عرفتها
وهمين الله يذكر ابو يوسف بالخير من كالي تبين انتِ مو عراقية
ردا على موضوع للتسلية كان كاتبة اذا يذكروه سرب اكسا

[ايفيان]

كلمات مصلاويه ترجموها
عقوقة
بزوني
كشكاء
خوقه
شنشوط
بياله
سطغه
شمزي

ما اعرف يمكن اعرف بس البزوني اذا همين صح وهي القطة لان احتمال عدكم غير كلمة
والباقي اعذريني اقحوانتنااا حبيبة راح اتصل بابو عبدالله حتى يغششني ههههه

[الدمعة الحرة]

الله يرحمنا برحمته..
من صج العربية ام اللغات

دخت السبع دوخات.. وما بقى براسي شي..

اما الكلمات مال ام عبودي.. ما عرفت الا بزوني.. يعني.. قطو. << نفس ما قالت فيفو..

يبدو انو لازم اذاكر منيح.. لانو لو يقيت هيج راح ارسب بالعشرة..

يعطيكم العافية . عالمجهوووود...

[عادل الابراهيمي]

1. دمغة ضربة على الرأس بباطن الكف
2. ماصة ؟؟؟؟
3. محمودي ؟؟؟؟؟
4. بشكير روب الاستحمام
5. صگعة مفاجأة مفزعة او مصيبة
6. چفچير هي مركبة من (كف) العربية و (جير) حديد، ومعناه اليد المعدنية وهي ملعقة كبير تستخدم للطبخ
7. پاچة رأس الغنم أو البقر وهي أكلة عراقية معروفة ((الحجي بيناتنا ما أكلها لو حياتي تعتمد على الموضوع ))
8. پشتمال ؟؟؟؟
9. قرديلة. زهرة مصنوعة من شريط تثبت بنهاية ظفائر البنات
10. عرقچين. غطاء للرأس يلبس تحت اليشماغ او الغترة والعقال وهي كلمة مركبة عرق معناها معروف, والجين,كلمه تركية معناها ,ماص . فيكون المعنى,ماص العرق

الغالي عمار اجابات موفقة باستثناء ال (( صگعة )) فانها ضربة على الرأس بقبضة اليد من الاسفل اي تجمع يدك وهي عكس دمغة ..
الماصة :
كما قالت الاخت الكريمة فيري تچ فانها الطبلة (( المنضدة الصغيرة )) ..
المحمودي :
من اللهجة البغدادية وتعني الصفعة بباطن الكف على الوجه وهي مرادف للراشدي.
البشكير :
اضافة الى ماتفضلتم به ، هناك استعمال آخر ويعني منشفة اليد ( الخاولي) .
الپشتمال :
وهي قطعة قماش على شكل الوزرة (( صدرية )) - ولكن تشد على الخصر لا تعلق من الكتف - وكان اصحاب المهن سابقا يرتدونها للحفاظ على ملابسهم كالگصاب والبگال والكببچي ...الخ
برعاية الله وحفظه وعظيم عفوه.

[عادل الابراهيمي]

كلمات مصلاويه ترجموها
عقوقة
بزوني
كشكاء
خوقه
شنشوط
بياله
سطغه
شمزي

هاي منين جايبتهن ام عبودي..
احنه الله وكيلچ غير العوجاية ، واطمّش ، واقشع، وثيثي وثيثين ، ماعرف ولاطگة كلللللللش ..
منين اجيب مواطن بهاي الليلة..
الحگ ابو عبود ترجم او اي واحد من الاخوة اللي يعرف باللغة المصلاوية ..
اخوكم مزنوء ..

[مواطن عراقي]

مرحبا يا جماعة الخير

عقوقة = وهي الضفدعه
بزوني = القطة
كشكاء = اكلة شعبية (الحبية)
خوقه = قطعة القماش التي تستخدم للمسح
شنشوط = شريط قماشي كان يستخدم ايام زمان لربط فم الكيس
بياله = قدح الشاي الاستكان
سطغه = راشدي
شمزي = وهو الرقي المعروف

[ايفيان]

الله يرحمنا برحمته..
من صج العربية ام اللغات

دخت السبع دوخات.. وما بقى براسي شي..

اما الكلمات مال ام عبودي.. ما عرفت الا بزوني.. يعني.. قطو. << نفس ما قالت فيفو..

يبدو انو لازم اذاكر منيح.. لانو لو يقيت هيج راح ارسب بالعشرة..

يعطيكم العافية . عالمجهوووود...

الله يرحم الجميع امين رب العالمين

وسلامتج وان شاء الله عندج العافية

عزيزتي نونااا مو كل الكلمات اللي انذكرت او اللي راح تنذكر

هي بالاصل مفردات عربية ومن ثم حورت لتكون عامية او دارجة

مثل منشوفها حاليا وانما اللهجة العراقية هي مزيج من العربية

والفارسية والتركية والانكليزية وغيرها وبنسب متفاوتة

واكثر هاي النسب حسب ما قريت في بحث قبل فترة ترجح الفارسية

بعد العربية طبعا لتكون هي الاعلى ومن ثم تاتي التركية.

وبعدين انتِ لهسة عندج امل تنجحين؟؟؟؟ والله عفية عليج ..... عندج ارادة قوية

تدللين واهلااااا وسهلااااا

[ايفيان]

مرحبا يا جماعة الخير

عقوقة = وهي الضفدعه
بزوني = القطة
كشكاء = اكلة شعبية (الحبية)
خوقه = قطعة القماش التي تستخدم للمسح
شنشوط = شريط قماشي كان يستخدم ايام زمان لربط فم الكيس
بياله = قدح الشاي الاستكان
سطغه = راشدي
شمزي = وهو الرقي المعروف

رحمة الله والديك ابو عبدالله
شوية وردت ادزلك مسج تغششني

لا واستاذ عادل يريد يكحلها عماها وطلعنا غير كلمات مصلاوية
ع اساس هاي كلمات مشهورة ونعرفها

تسلمون يا رب