هنا

[ايفيان]

حبي سموري ..
بلا زحمة عليك لو تكرمت شوية كبر الفونت تره اخوكم عيونة چرك..

الفختية : نوع من الطيور الاهلية وهي الى الحمامة اقرب لكنها اصغر بقليل .

الهتلي : هو الشخص القليل الادب وغير ملتزم ولا يحترم الآخرين ويكون عادة دايح بالشوارع لا صداد ولا رداد .

زيبگ : هو الشخص الذي لا يعول على كلامه اي ليس له التزام كالزئبق لا يستطيع احد امساكه بين يديه.هذا اذا اطلف القول على المتحدث اما اذا اطلق على الفعل فانه يعني الشخص الكثير الحركة ولا يمكن ايجاده في مكان ما بسهولة.

شلولو وهذه عادة ما تطلق على البنات اكثر منها على الاولاد وتعني الشخص الخفيف او البنت الغير رزنة وغير مؤدبة والتي تكثر اثناء مشيها من الالتفات الى الوراء او الى الجوانب وتكثر من توزيع الابتسامات بمناسبة او غير مناسبة.

شقندحي : وهو الشخص الكثير المزاح يعني كثير الشَقَه .

ينگز : (( لهجة جنوبية )) وهو الشخص الكثير القفز وعادة ما تكون هذه القفزات (( الگمزات باللهجة البغدادية )) بسب الم جسدي او خبر محزن او مفرح.

- يطسل (( لم افهم معناها ))

يدلغم : اي مكفهر الوجه دالا على عدم رضا شخص ما بتصرف شخص آخر (( بالبغدادي : گالب خلقته )) .

أغم : اي الشخص الردئ الحظ او التصرف وهي ايضا من لهجات الجنوب .

أخبن : اي انه الموضوع بسرعة حتى لو ادى ذلك لردائة الجودة اذا كان عمل او للاختصار وعدم الاطالة في الكلام..

هذا ما جادت به عليّ ذاكرتي المتهرئة..
برعاية الله وحفظه.

كما توقعت من استاذنا عادل الابراهيمي

فها هي اناقة الكلمات

وهذا هو الشرح الكافي الوافي

وهذه الدقة والرقة وجزالة العبارات

اهذه ذاكرة متهرئة ؟؟؟؟؟ !!!!!
حماك الله

لك مني اجمل التحايا

[ايفيان]

اذا تحبون اكتبلكم مصطلحات مصلاوية ؟

مواطنا العزيز ابو عبد الله

انت على الرحب والسعة
ونكون من الممنونين الك
وانت تنورنا بمفردات ومصطلحات
يتداولها اهل الموصل الكرام

احترامي وسلامي

[ايفيان]

هههههههههههه

همين مصلاوية ابو عبودي

شنو تريدني اغرز يعني
هاي يدوبني افهمها..

يعني الكم كلكمة اللي حطهم استاذ سامر.. افتهمت كمن وحدة قبل لا اشوف معناهم من القاموس الاستاذ عادل

وهم الاخت فيري ممقصرة

بس لحظااات اكو كمن كلمة .. كتبهم الاخ نيو عراقي .. راح اجيبهم لكم.. وابي تفسير..<< عشان لا افهم غلط يعني..

علاليك المسواك
اهلمن راح تشتمن...

عيني نونا احنا اهل الكرم حبيبة

ونريد نعلمج كل اللهجات من كافة جهات العراق الاربع
وبعدين وراج امتحان .... نشوف ادرسين وشاطرة او لا
يلاا انتبهي لكل كلمة بنئولهة وكل كلمة ما بنئولهاش هههه
ترا اني ارسب هواية وما عندي لا صاحب ولا صديق بهاي الامور

تحية وسلام لاحلى نونا

[محامي الحب]

أنحلت الشغله يله وين كلماتكم ,,
أني عندي اذا ماعدكم
جحش , واوي عتيك , أبو الشفتات , جوله ,, الله ربك .. لعد منو قابل ,,هههه
تحياتي
قائد سرب أكسا
محامي الحب

[ايفيان]

زين اخوان منو يترجم النص التالي الى الفصحى ..

چيچان چان چايچي بالچبايش چفتو بچفچير چوو ايده وچفو چايه .. چا چايخانته وين ؟؟؟؟؟؟

عذرا لرداءة الخط شسوي مدا اوچد ..
باااااااااااااااي.

واحد اسمة جيجان كان صاحب قهوة بناحية اسمها الجبايش وهي من اقضية مدينة الناصرية هجموا عليه
بمغرفة الاكل وهي من المغارف المثقبة شوو يده وسكبوا شايه ... اذن اين سلطته كصاحب القهوة ؟؟؟؟

يعني استاذ عادل لو مترجمة نص باللغة الانكليزية
ما واجهت هاي الصعوبة
هاي منين جبتها؟؟؟؟؟؟؟؟
يلاا اني متاكدة راح تنطيني درجة مو زينة على هاي الترجمة الركيكة

[ايفيان]

علاليك المسواك : علاليكَ...مفردها : عِلّاكَة ...مشتقة من التعليق ...وهي ما يحمله المرأ من اكياس التسوق المحملة بالاغراض...
المِسواكَ: مشتقة من السوق والتسوق ..ومعناها ما يجلبه المرأ من السوق

اهلمن راح تشتمن : هذي الجملة متكونة من كلمات مدمجة مع بعضها .... وبالتفريق تصير : اهل منَ راح تشَتْمنْ...اي اهلُ مَنْ سوف تشْتُمْنَ ايتها النساء؟

لا هسة هذا الشرح المضبط اتضبط عزيزتي fairy touch
لا جاي نتقدم شوية شوية

تسلمين والف شكر
وعلى الرحب والسعة دائما

[شمس الشموس]

هاي شنو هذا الموضوع يخبل اصلا معاني تلث ارباع الكلمات هسه عرفتها منكم هههههههههههه

واذا اكعد اشرحكم متأكده ترسب نونا واني ما اريد ارسبها خطيه خليها عليكم تكفون وتوفون.... ( ومنكم نستفيد )

[عادل الابراهيمي]

أنحلت الشغله يله وين كلماتكم ,,
أني عندي اذا ماعدكم
جحش , واوي عتيك , أبو الشفتات , جوله ,, الله ربك .. لعد منو قابل ,,هههه
تحياتي
قائد سرب أكسا
محامي الحب

الاخ محامي الحب المحترم..
ترحمة كلماتك كما يلي :

جحش : موصعبة وهو صغير المطي اي الحمار ابو صابر مو لو مو مو ؟؟

واوي عتيگ : كمصطلح الواوي هو الثعلب والعتيگ هو القديم واجتماعياً تطلق على كبار المراوغين الذي ما يعبر عليه (( قرش قَلِبْ )) يعني مكسر گحوف الدنيا عله راسة ..
طبعا متقصد اجاوب هيچ حتى يتم ترجمة الجواب..هههههههههه ..

ابو الشفتات : مصطلح مهذب لــ ابو البواري : ويعني الذي يغدر بالآخرين ونگول مذروب بوري او شفت كل بحسبه..

چوله : وما ادراك مالچوله كمصطلح فني هي الاداة التي تستخدم للطبخ والتدفئة ، اما المصطلح الاجتماعي فتطلق على كل منافق واعتقد بالجيش كانت تطلق على بعض من هم برتبة نائب ضابط مو لو مو مو ؟؟

الله ربك : وتقال بطريقة ونغمة كلام معينة ونعني بها للشخص المقابل حين يحصل على منفعة ما ايا كانت ..

لعد منو قابل : ونعني بها اذن من هو وكلمة قابل زائدة محشو كلام ولا تعني الرضا من القبول كقول الاخوة الكويتيين (( عيل )) والاخوة السعوديين (( اجل )) والمصريين (( اماال )) وهلم جرا (( حلوة هاي مال هلم جرا ))


هههه : هذه تعني ابتسامة لطيفة او ضحكة خفيفة لان حسبت الهاءات لگيتهن بس اربعة لو اكثر چانت الضحكة اكبر.. ههههههههه ههههههههههه ههههههاااااااااي ..

دمت لنا اخا حبيبا..

[ايفيان]

هاي شنو هذا الموضوع يخبل اصلا معاني تلث ارباع الكلمات هسه عرفتها منكم هههههههههههه

واذا اكعد اشرحكم متأكده ترسب نونا واني ما اريد ارسبها خطيه خليها عليكم تكفون وتوفون.... ( ومنكم نستفيد )

اهلاااااا شموستنا الوردة
بيني وبينج ومحد يقرا هنا شاكاتبة
اني همين من الراسبين لان شفتيني يمكن ترجمت معنى او اثنين
والباقي اهل الشيمة قاموا بالموضوع واخرها ترجمتي الركيكة
لجملة استاذ عادل اللي يمكن راح ينتحر من يشوفها
يعني اني بس اسمي ع الموضوع

يلة شكو كلمات متعرفيها خليج ويانة ولا تستحين

نوررررررررررتيني يا حلوة

[Samer]

زين اخوان منو يترجم النص التالي الى الفصحى ..

چيچان چان چايچي بالچبايش چفتو بچفچير چوو ايده وچفو چايه .. چا چايخانته وين ؟؟؟؟؟؟

عذرا لرداءة الخط شسوي مدا اوچد ..
باااااااااااااااي.

جيجان كان صاحب مقهى (أو كشك لبيع اكواب الشاي) في مدينة (الجبايش) ، ضربوه بجفجير (و هو أحد ادوات الطبخ) و احرقوا يده حرقا طفيفا و سكبوا شايه ، لذلك أين مقهاه ؟