كتلت الدمع خاف تشوفة عذال
صفة جنازة الدمع وعيوني تابوت
توضيت بصبر من أذن الضيم
وقريت آيات حزن البية بسكوت
مسحته العشكَ ذاك الجان بلروح
وكَمر حبنا بيدي سلمته للحوت
كَبل كلي أرتجف لو يمي ذكروك
واكَوم استعد لو بس ذكرك يفوت
هسه بكل برود أتلكَة طاريك
مثل دفان وتسولفلة ع الموت
كَبل كَلبك أحسة بكبر بغداد
وأجيك بكل وكت جنت انه مبخوت
أحس نظرات عينك تسحر الروح
ويظل تمثال حبك بية منحــــوت
هسه بفتح روحي تهدمت اصنام
ومن مأذنة كَلبي يكَلك الصــــوت
أخذ كل السوالف و أرحل بعيد
أخذ دمعي وضحكتي وذكرياتي
واخذ شجرة انرسم بخدودها دموع
قصة عمرك وسيرة حياتـــــــــــــي
وسولف لاصدقائك لليسألــــــون
كلهم عن عشكَنا المشى وما عاد
وكَلهم عن حبيبك جان مخــدوع
وخلص عمرة على بابك رايح وراد
طفى سنين عمرة وضوى دنياك
وجازيته ونثرت بعينة الرمــــــــــاد
خل الناس تحكم بين الاثنيــــن
منو الجان الضحية ومنهـــو جلاد
منو جان اعلى طولة الجرح مرسوم
جرح ينزف حزن من راسة للساكَ
أريد اليوم تتحاكم على الصار
حكم قاسي بقساوة ليل الفراكَ
و اريد الناس تعرف قصتي وياك
كَلهم بلدليل شسوى البعاد
ولان حبك الزاد الغذى هلروح
كَلهم مات جان مفاركَ الزاد
للشاعر المبدع : صباح العتابي
رد مع اقتباس
المشاركة الأصلية كتبت بواسطة نسيم الروح
