انــــتَ وعّيـــت العيـــون
العل عشكَ والشوكَ جانت غافيه
وخضرت صوره بصفنتي
بـــارده الدنيــــه
ولكَيت احضان صفنات لمحبتك دافيه
خلكَي مرجوحه لفرحتك
فصلتلك ضحكتي عيد اعله طولك
لاكَلــك ثــوب الضحــك بلعافيــه!!
وحـــــزن ليــــــــل
ها كثر بلدنيه حزني
حالي حال الكاغد وهجرك جهنم
وفوكي سحكَت كل جهنم حافيه
وكَلــــت ميضيــــــع احلامــــــي
من شفت نيت النهر وياي كلش صافيه
وضاعت احلامي مثل دمعات بحضان النهر
ومــــن مشيــــت.
جــــان راي الشــــوكَ رايــــي
وانتَ جان الراي ساعتها بديك!
ومــــن مشيــــت.
الحيره لمتني جلمتين بمشيتك ,,ويــن رايــح؟
ويـن رايـح الغيـم يعـركَ مستحـه!!
لو شاف بعيونه النخل من العطش علغيم صايح!
ويـــن رايـــح
الناس من تعشـكَ الليـل
الشمس تتحسف ضواها
تشوفـه ذلّـه الضـوه فـوكَ الكَـاع طايـح!
وجانت مورده بسمه العشــاكَ شمسي
وصار جف غروب هجرك جاسني وذلّ ضواي
وهيه ياجلمة تعال الوصلت الاذنك وردت
نهر ويحاجي الجرف بلسان ماي
وصاحلك جفي وتوسـل
ليش جا مادرت وجهك
جا كلت خاف الجفوف تصيحلي الضلّت وراي!!
ونجفـت كسـرة الخاطـر
دمعه شالت دنيه من هم
ولحضة وداعك نفسها البيها بيك عيوني تحلم
جانت عيون الضياع بروحي تحلم!!
رد مع اقتباس
المشاركة الأصلية كتبت بواسطة حيدر الغديري
