اعطي معاني الكلمات ادناه
وحده تسولف ويه صديقتها من سكنة الاهوار تكلها ديه اليوم رحنه انه وحبيبي البرديه كلش ثخينه وحبيبي كام يمصع عكيد وينطيني كلتها والعكيد لاف لو مو لاف كلتلها لا ديه لاف كلتلها هم زين ولج جا اذا مو لاف تتهورشين كلتلها دية واحنه نسولف ودخل علينه من البرديه علينه ثليثي شكبره خفنه منه وحبيبي صاعد بكعده وانه بمشحوف وانه محمله كعيبه وهوه محمل شهف وهم زين هوه بكعدته اجور ويطك الثلثي بجوره وشرد وضلينه نسولف انا ويا لمن صار المغرب
ما معنا الكلمات ادناه
1- ديه
2- البرديه كلش ثخينه
3- يمصع
4- عكيد
5- عكيد لاف
6- تتهورشين
7- ثليثي
8- كعده
9- مشحوف
10- كعيبه
11- شهف
12- جوره
ارجو عدم الستهزاء لان هذا يعتبر من تراث اهل الاهوار والكلام الظاهر
ناتج عن الفطرة وبدون تعلم موروث عن ابائنا واجدادنا من ساكنين الاهوار
منتظر الاجابة
دمتم بكل ود تحياتي لكم اخوكم محمد الساري
رد مع اقتباس
المشاركة الأصلية كتبت بواسطة محمد الساري
