المشاركة الأصلية كتبت بواسطة Samer
السلام عليكم
بالنسبة لمشكلة مسافر الليل .. حقيقة مدا اعاني من هذه المشكلة .. و حسب جميع المتصفحات اللي استخدمها ..لذلك ارجح انه المشكلة عند المستخدم
قبل لا اخوض بالحلول المتوفرة .. خللي اشرح شدا يصير
اكو اشياء اسمها (الكوكيز) هذه المنتدى يلقيها بالمتصفح مالتك من تسجل دخول بيه .. و هذه الكوكيز تندز وية اي صفحة تفتحها .. و تحمل معلومات تسجيل الدخول و تفضيلاتك للموقع لذلك تشوف نفسك دائما مسجل دخول و ماكو داعي تسجل دخول مرة ثانية.
إذا ما أشرت المربع مال حفظ البيانات ، الكوكيز ما راح تنحفظ على الهارد ..بس تبقى بالذاكرة .. و ما دام باقية بالذاكرة راح تبقيك كذلك مسجل دخول ما دام ما اغلقت صفحة المنتدى أو طفيت الحاسبة.
مرات .. المتصفح لسبب معين .. أما (ما) يخزن معلومات الكوكيز .. او (ما) يرسلها وية الصفحات اللي تفتحها..و هذه مشكلة طارئة او دائمية بالمتصفح .. و يتم التغلب عليها بالطرق الاتية
1- تأشير مربع (حفظ البيانات) عند تسجيل الدخول على الاكثر يحل هذه المشكلة .. لأنه يخللي (الكوكيز اكيد موجودة بالهارد)
2- عمل تنظيف لكل الكوكيز السابقة (clear history) بحالة الفايرفوكس و clear browsing data بالنسبة للكروم .. او Delete browsing history بالنسبة للاكسبلورير و كل وحدة موجودة بمكان بحيث تكدر توصللها بكل متصفح... بعد تنظيف الكوكيز و الملفات العالقة (اخاف تكون مضروبة)
3- إذا ما حبيت تنظف الكوكيز بالطريقة السابقة .. اكو طريقة لتنظيفها اسهل (بس خاصة بالمنتدى بس) و هي انه بعد تسجيل الدخول تسجل خروج منه مباشرة راح تتنظف كل الكوكيز الخاصة بالمنتدى بعد تسجيل للخروج و تكدر تسجل دخول مرة لخ
4- المتصفح احيانا (بسب انقطاع الكهرباء او مشكلة داخلية بحاسبتك) يفقد قسم من خواصه او يتضرر ..لذلك الافضل بهذه الحالة اعادة تنصيبه من جديد . او تحديثه على الاقل أذا ما كان احدث اصدار .. مجرد تروح على help---> about -----> Update باي متصفح راح يبحثلك عن التحديثات بخصوص هذا المتصفح او نزل مباشرة من الموقع الرسمي للمتصفح اخر اصدار
هذا اللي عندي بخصوص مشكلة مسافر الليل و المشاكل المشابهة.
بالنسبة للاخ سجاد .. مشكلتك غريبة فعلا بس بما أنه هي ما موجودة بالمنتدى اذن المشكلة يمك
اللي لاحظته انه متصفح الفايرفوكس اللي تستخدمه هو اصدار 5.0 .. الافضل ترقي المتصفح مالتك للاصدار 5.1 لان الاصدار 5.0 ما مجرب عندي.
الافضل.. انه تلغي المتصفح مالتك تماما (تمسحه من قائمة البرامج) و تنصب احدث اصدار من جديد .. للحصول على اخر اصدار تروح لهذا الرابط:
http://www.mozilla.com/en-US/firefox/new/
و اذا ما رهمت الفايرفوكس 5 وياك تماما .. (لسبب او لاخر) ..جرب اصدار فايرفوكس 3.6.19 اللي هو احدث اصدار كذلك (بنفس حداثة الفايرفوكس 5 .. شوف هذا الرابط:
http://www.dorar-aliraq.net/showthread.php?t=50
او جرب غير متصفح مثل الكروم
http://www.dorar-aliraq.net/showthread.php?t=5507
كل هذا لان نريد نوكع عل علة و نتأكد انه المشكلة مشكلة متصفح مو غير شي
و رجعلي جواب
و تر اني مو كلش افتهم ..بس هل اكدرله هع
رد مع اقتباس
