كبل ردتك تجيني تونس الروح
كبل ردتك ورد يمليلي بستاني
كبل ردتك دوه يطيبلي لجروح
كبل ردتك حقيقه بعالمي الثاني
كبل ردتك وياي وين ماروح
ادليك عله همي ومنبع احزاني
وتاخذني عله غيمه وياك مطروح
وتنسيني الحزن ومنين ماعاني
انته بحالي تدري بظيمي والنوح
وماعيشاً بغيرك هيج وحداني
شلون تعوفني وتدري ايدي متلوح
ويظلمني الوكت وتصير سجاني
وتضحك من صدك وانه بدمع مفضوح
كاتلني القهر ومخيط الساني
المن يازمن ليش الغدر مسموح
ليش الوفه عكسه بويل جازاني
سلمته الكَلب ولكيته مذبوح
وبحلوك الشماته النوب وداني
لاكن ماتدوم تطيح السطوح
يطيحها الزمن ويعلي بنياني
رد مع اقتباس
المشاركة الأصلية كتبت بواسطة حيدر الغديري
