حال فتاة طالبة هندسة في الجامعة
عن لسان حال فتاة طالبة هندسة في الجامعة ولكنها تبيع الخضرة عندما اتت اليها زميلتها في الدراسة لتقول لها غدا هو يوم زفافي...... ولا استطيع ان ادعوكي اليه خوفا من ان تجلبين لي هدية عرسي باقة من الخضرة!!!!!!! فقالت بائعة الخضرة.......
هدية بكل عرس وديت قران الخلل بالناس ما تاخذ هديتي
عباتي خيوط بس تسوالها قصور الغنية ادوخ لمن تطب بيتي
بعت الخضرة غير اشياء مابيع بوكت جان النفس ينشرة الريتي
تكتلني كتل رحم الله موتاج وانة بلاية رحمة بنص دنيتي
اليكلي شبيج يكسر خاطرة وياي مكسورة الخاطر من مشيتي
وحيدة ابين ناس كلوبهم سود وانة اشابهن شيبي وي نيتي
مرات اختنك ماعندي خوان ويامن اسولف عن اذيتي
لوعندي اخو مسميتة عباس نسل من صيت زينب جان صيتي
انة المثلي جريمة تعيش بالسوك وردة بركبت المنجل خطيتي
امن افوت والجح الطلاب يحجون امشي بسرعة بس تعثر مشيتي
ويجي ابالي حجيهم وارفع الراس ربي مروتك قرب منيتي
ولتكليلي غلطة انجاب طاريج انتي وياهم اصلا هم حجيتي
جبتها مكافخ وطكات غمان الشرطي امن الصبح ياخذ هويتي
وانة بت العرب وحجابي ديوان امن اشوف المستحة اتحمل بجيتي
بنيت احلام حد ما غوشت العين واجو شمات كالولي شبنيتي؟؟؟
صرت بموقف المامار بنسان البيه ارد اسولف كل قضيتي
لو ذم الورد لو عيش صفصاف ولو ذم الورد مو شاعريتي
رد مع اقتباس
