ياريت بقى تسمعينى
ياريت بقى تسمعينى
رايح اقولك انتى مين
رايح اقولك انتى ايه
انت عقدى
طوق من الحنان خالص
طوق وباتشوّق اليه
وانتى فيـــن ؟؟؟
انتى فين تمسحى دمعة عينىّ
عارفه انتى فين؟؟
انتى دايما
فى كل البعيد
*****************
ياللى فى كل البعيد
لما بتقرّبى
والمح خيالِك
التقيكى ومن جديد
تانى تبعدى من جديد
ليه بعادك فهمينى
لما اشوفك
ابتسم لحظة ما اشوفك
واجرى متلهف عليكى
وأرمى نفسى بين ايديكى
ما التقيكى ..
أجرى وأتلفت عليكى
ألقى صوتى زيّى
بيلف يسأل عليكى
يشتكى طول البعاد
وينادينى
يا نن عينى ليكى عندى اغلى الهدايا
بس قولى انتى فين؟؟؟
لسه وحدى ح امشى
وأتلفت عليكى ؟؟
وأبدر السكه سؤالى عن عينيكى ..؟؟
قد إيه السكه بدرى؟؟؟
امتى قولى ح ألتقيكى ؟؟؟
ح أسأل الكون كله عنك
واعرف انتى تكونى فين
وآجى أطمن عليكى
آجى عندك
أبقى عين حارساكى دايما
أبقى ضل فى عز ضهرك
أبقى نهر لو عطشتى
أروى والله كل أرضك
أبقى شمعه فى كل سكه
راح تخطى فيها خطوه
أبقى غنوه لاجل بكره
أبقى منديلك
يشيل الدمع عنك
أبقى جنبك
نقسم اللقمه
نلاقى فيها بركه
نمشى فى الدنيا
نلاقى فيها ضحكه
نعرف ان الليل ح يمشى
وييجى نور
نور قريّب
مش بعيد
نقل
رد مع اقتباس
