دريت وكَلبي عالم رايد تروح
وبدت ريحة فراكَك تترس البيت
سكم روحي العطش كد ما تتانيك
ولا كطرة نده بجيتك ترجيت
انه بلياك شجره وفركَتك ريح
و يطيحني السموم شما تحديت
كهل درب الوداع ويضني ممشاه
و طفل انكَل غراضك ركضه لو جيت
توانيت بوداعك عذري تعبان
و عفتني و ما نفعني شكد توانيت
تذب الخلكَ ماي ويه اليروحون
بوداعك من رحت كلي تبديت
متت وي رفعت ايدك هسه بالضيم
صرت مرهون لحلوكَ التوابيت
حسبت بجيتك اشفه وعينك دواي
و صرت جتالي بيدك من تخليت
وحسبتك طيب جرحي (منته خليت)
ملح يل كَلت ما خل(منته خليت)
تدري شصار حالي(من تخليت)
أحس كلي تهت موش آنه بية
و احس بالروح جنطة وراحت وياك
و بقت عيني عله خدك هسه ما شوف
وشبكتك حضره و بجي ومنيتي تعود
رد مع اقتباس
