*من اشوفج
كلبي بعيونج يسافر
سفرت الطير المهاجر
ولجلج اعيوني تصلي
واني ضايع
بين كلبي وبين حبج والمشاعر
ﻻني حاط وﻻني طاير
ليلي اطول من ليالي الناس كلها
انه اليلي
سهر ودموع وخواطر
وانتي دنيه مسيجه بحبي وحنيني
اشما تغيبين
اسمج بالكلب حاظر
اه من حبج احبيبه
واه من وردج لعاطر
والشفايف اخ لو تدرين شكثر عطشان الها
وانتي تدرين العطش كافر
وعمري ياعمري على الطول السباني
والله بالروح أشتريه وماني خاسر
كاتم بكلبي عذابي
وانه كلبي مثل اسمي
(........)
يرحم المجروح ويطيب الخواطر
اني محتاج الحنانج
ﻻتخليني اعلى جمر الشوك صابر
دمعت المحبوب يححبيبه كﻼفه
وﻻتكولي امنين اجتك هالمشاعر
انه اجبج
وانتي بحساسي قصيده
ﻻورق يكفي الكتابتها
وﻻ تكفي الدفاتر*
رد مع اقتباس
