((هموم الفقــير))
انه اهموم الفقير الروحي صارن هم..
وانه كلبي الفطير الخالي من كل سم
وانه الماشي عدل من الزغر لليوم..
والرافكني يربح لاتظن يندم..
انه بيوم العسر اصبر واكول اتهون..
وانه بيوم اليسر للغير اظل اهتم..
شكثر مرت شدايد مانخيت انسان..
واغافل دمع عيني بسكته واتبسم..
يهضمني الزعل لودخل بين اثنين..
واتمنه التكاتف والشمل يلتم..
واذا واحد نخاني ابنيها خوه وياه..
ولاتكدر ظروفي بخوتي اتهدم..
ودي اظلم عدوي وهذا اتمناه..
بس صحوة ضميري اتكلي لاتظلم..
واتجي الكل ضعيف ومااعوفه ايطيح
وافزع للغريب وموش خال وعم..
كرصتني الحيايه وماحسبيت احساب..
ملجوم بصحبتي وماعرفت الجم..
وادعي انه الفرح للي دعالي الظيم..
واحمد بالصديج وادري بيه ايذم..
وادري الناس صارت بالوجوه اخوان..
ولاجنها ابكفاك اتصير ابن ملجم..
عله الكال وكلت خل تحجي بيه الناس
ابو الحسنين منهم ماكدر يسلم..
رد مع اقتباس
