هنا

[*JaLaL*X*]

السلام عليكم احبتي اعضاء درر العراق

اليوم حبيت اطرح موضوع للنقاش الجاد وأجوا ان تشاركوني رئيكم

اسولفلكم قصتي وبعدين السؤالين , طبعا قصتي فيها رابط للموضوع (يعني فيها رباط)

قبل شهر تقريبا فقدت محفظتي وكانت تحتوي على بطاقة سكن وكذلك هوية الدائرة

(هيه الصحيح انسرقت ) وبعد ماشفته من اذيه ضليت كل يوم اندعي للسرقه فد دعاء على كلا

بعد مانسرقت قال لي والدي روح سوي بلاغ بالشرطة والمحكمة كتله سهله الشغل كال اي اي سهله

وبتسم طبعا انا بالبدايه ماعرفت ليش ابتسم بعدين اعرفت

رحت للمركز مالت الشرطة سولي اوراق وكالي هسه تروح للمحكمة وطبعا بما اني

مااعرف وين المحكمة بالبدايه سئلت شخص خيررر قالي قريبه وضليت ثلث ساعة ع ماوصلت

طبعا تعرفون السره الطويل مالت المحكمة وبعد الانتظار ودخلت على قاضي التحقيق وكمل اوراقي

وكلي تروح للمركز طبعا رجعت بتكسي وسويت اوراقي وكلي تروح للمحمة يكملها, طبعا هالمره

بسيارتي ووصلت للمحكمة وهماتين سره طويل واخير دخلت,, وكمل اوراقي اختام وهيجي شغلات

كلي هسه ترجع للمركز علمود يعممونه بالسيطرات ورحت للمركز وكملت وهم رحت ورجعت مره ثالثه

طبعا هذا الحجي

بدون اي مبالغة فيه والملجوم مثلي يمكن يعرف هسه كملت وصارت الواحده الظهر تقريبا

رحت ثاني يوم لمركز ايطلعون فيه بطاقة السكن طبعا معاي ارواق ايكلك طالب ابتدائيه انا واوراقي

ومستمسكاتي كامله شاف اوراقي الضابط ضل ايباوع سئلني هذا السؤال كلي اريد رقم البطاقه

القديمةشنو رئيكم يعني اني مسوي معاملة فقدان وعنده ارواق القاضي والمركز ويريد الرقم

كتله ماعندي بكل أدبكلي لعد ماتمشي معاملتك البعدو يله!! كتله يعني هسه شلون مابيها مجال

طبعا احجي بكل لطف وطيبه كالي ابد مايصيركتلك وضل يشرح يشرح ....وتروح اكو مكان يطلعون الرقم

تبين لي بعد شرحة صحيح واقنعني

انا راح اخالف الدستور واكون سبب بعدم الامان بالعراق ويمكن اطلع احد اسباب التفجيرات

كلت لعيون العراق راح أروح للمركز وطبعا بعد كم يوم شفت المختار مالتنه وكتله شغلت المركز

اريد اطلع الرقم وباوعلي وضل يضحك ويضحك انا هماتين ضليت اضحك على شنو ماااعرف المهم كلي انت

سامع بالازدحام لو يسولفولك عنه ولو يطلع لو مايطلع الرقم, من اله خلك ايدور على الرقم كتله لعد شسوي

كلي روح سويلك وحده جديده بدون فقدان كلهم انا ماعندي بطاقه , كتله وتصير كلي اي انا كله هيجي اسوي

عاااا , بس كتله هاذا مو مخالف القانون جااا والعراق والدستور شلون كلي شنوووووو كتله لا ماكو شي باجر اروح الصبح

طبعا الصبح رحت وكامل مستمسكاتي ولنفس الضابط طبعا مايعرفني كالي ماعندك بطاقه كتله لا كال خوش تعال الاحد وبس

طبعا انا متفاجئ معقوله هيجي سهله ومامصدك رحت يوم الاحد وانا جاي انتظر استلم البطاقة اجه شخص يعرفه الضابط ابو جواد

اسمه الى الان اتذكره شغلته نفس شغلتي عنده فقدان وطبعا مايعرف الرقم سئله عليه وانا جاي اشاهد كاله ابو جواد للضابط

ماعندي الرقم كله معليك انا ارتبه تعال باجر وتستلم ,,, اوكف اوكف لحظة نقطة نظام !! والعراق والقانون والدستورالكتلي عليه وين راح

طبعا طكيتلي صفنه شكبرها وردت احجي ردت اتعارك ردت اشتكي

بس جاي اشوف البطاقة مالتي كاملة تتلامع واذا احجي ابين كان عندي واحده وضائعة

اضطريت اسكت واستلم البطاقة مالتي وانا منكسر مهزوم

طولت عليكم موو ,,السؤال هو

لو انت في مكاني ماذا تفعل أو ماذا تقول للضابط شنو الاجراء الي تسويه ؟؟

طبعا المختار قال لي 35 الف تجيلك للبيت بطاقة السكن وانا ماقبلت لان اعتبرتها رشوه !
انت هل تدفع المبلغ لتسهيل معاملاتك ؟؟ افيدوني

لو انت في مكاني

ماذا تفعلون
تحياتي

[بركان حبك ياعلي]

اخي العزيز بصراحه كسرت خاطري عالوطن الرشوه
واقع حال بالعراق لأن محد يحاسب بالمختصر الدوله تايهه
وعذرا ع التعبير بس هاي الحقيقه ويمكن ادفع ويمكن ﻻ حسب
الظروف

[*JaLaL*X*]

اخي العزيز بصراحه كسرت خاطري عالوطن الرشوه
واقع حال بالعراق لأن محد يحاسب بالمختصر الدوله تايهه
وعذرا ع التعبير بس هاي الحقيقه ويمكن ادفع ويمكن ﻻ حسب
الظروف

شكرا اخت بركات لمرور ورئيك الصريح

يسلمووو تحياتي لكي

[husaam]

انا لاأدفع لانه اذا انا وانت وغيرنا يدفع ويشجع يزيد عن الحد وهو الفساد المنتشر الان بسبب هذه الافعال

ولكن انا أسألك انت رأيت الظابط الذي جاء وتكلم امام الناس بالعالنية ولكن لو دققت على الاتجاه الخلفي والدخلي للمكتب او الغرفة

تجد معاملات اكثر من المراجعين وطبعا هذه المعاملات اعددها لك وانا كذلك رأيت بعيني وسمعت بأذني بدائرة الجنسية والاحوال وهم ((ابن عمي وابن خالي وصديقي
من قبل الظابط المفوض الشرطي الموضف ...................................الخ )) وانا وانت ننتظر بالتسلسل والنظام

[هدوء الكون]

هي مو رشوة اعتقد تسهيل امور الك اكو ناس يحتاجونهة بعد مايفقدوها حتى يسوون جواز مثلا يدفعون بسرعة

هو كلها صارت هيج لعد شسوي امرك لله اعتبرها صدقة بس بهاي الحالة راح انشجعهم اذا منين ماتدور وجهك

حاميها حراميها الله كريم تخلص اخي تخلص

[*JaLaL*X*]

انا لاأدفع لانه اذا انا وانت وغيرنا يدفع ويشجع يزيد عن الحد وهو الفساد المنتشر الان بسبب هذه الافعال

ولكن انا أسألك انت رأيت الظابط الذي جاء وتكلم امام الناس بالعالنية ولكن لو دققت على الاتجاه الخلفي والدخلي للمكتب او الغرفة

تجد معاملات اكثر من المراجعين وطبعا هذه المعاملات اعددها لك وانا كذلك رأيت بعيني وسمعت بأذني بدائرة الجنسية والاحوال وهم ((ابن عمي وابن خالي وصديقي
من قبل الظابط المفوض الشرطي الموضف ...................................الخ )) وانا وانت ننتظر بالتسلسل والنظام

احسنت حسام وجهة نظر جيده اذا انت وانا ندفع يزيد عن الحد متفق معاك بس اذا ماتدفع راح تتعرقل معاملاتك ,
صحيح اهم شي العرف والاقرباء

شكرا للمرور تحياتي لك

[*JaLaL*X*]

هي مو رشوة اعتقد تسهيل امور الك اكو ناس يحتاجونهة بعد مايفقدوها حتى يسوون جواز مثلا يدفعون بسرعة

هو كلها صارت هيج لعد شسوي امرك لله اعتبرها صدقة بس بهاي الحالة راح انشجعهم اذا منين ماتدور وجهك

حاميها حراميها الله كريم تخلص اخي تخلص

اهلا هدوء نورتي الموضوع وشكرا للمداخله

والله هيه مالت تسهيل امرور صدك تتسهل , بس هدوء انتي قلتيها ومامقتنعه هيه شي صحيح

اعتبرها صدقه , هم مايستاهلون الصدقه انطيهم ..........

اهاااا هاي انتي تتفقين مع حسام راح اشجعهم ششنو الحل ؟؟ اريد حلول
شنو دائرة مغلقه احنه بيها ؟؟

تحياتي لمروك

[ليث الشمري]

والله بعتقادي اكول من امن العقاب ساء الادب وهذا ما يحصل بجميع دوائر العراق وحتى بالمؤسسات التي تعمل كأمين للعتبات المقدسة وهذا معروف ماحجه احجي بيه لان الفلوس تخون ابو عمامة هيج كالوهة لذلك الرسول عليه الصلاة والسلام يقول هلاك امتي بثنتين وهما عدم القناعة والجهل . ويؤكد لنا رسول الله صلى الله عليه واله وسلم ان الجاهل يجهل بما لا يعلم انه ينسى ان عليه رقيب لا ينام لذلك يقولون اهل البيت عليهم الصلاة والسلام اذا فسد العقل فسد مادون . والباقي الحليم تكفيه الاشاره هو يفهمه .

[ليث الشمري]

بسمك كتبت الفرحه لا تزعل
فدوه الك تروح فدوه
ادري بيك ما تنظر اله افلوس
بس زعلان الوطن بمكاسر الرشوه
مو هيج انه تعلمت و بيه اسكت
لا انه عندي الوطن يسوه
انه عندي الوطن يسوه

[ليث الشمري]

هاي لعيونك الحلوه