هههههههههههه
مرحبا بالاستاذين محامي الحب وعادل الابراهيمي
طبعا الحلم يفسر بأن فكرة الزواج باتت تشغل تفكير محامينا الطيب
وانعكاساتها واضحة في حلمه حيث يقول : قافل على كل البنات
ونحن بانتظار تشريف ( محامية الحب)
وتزنجل محامي الحب وتجيبة بالرابطة مالتنا والله كريم
تحياتي لكما اخواي الكريمان
مرحبا جكليته
وشكرا على المشاعر الطيبة
الحلم الذي رأيته بشرى خير لك
فرؤية الهلال في المنام انما هي مؤشر على بداية جديدة
وبما ان القمر كان بالشكل الذي بالصوره فأن _يعني اكو نور -
فالبداية مضيئة والنجوم تأكيد لوجود القمر
مختصر للحلم
انك ستشهدين بداية امر جديد في حياتك
تكون بدايته خير ومؤكده وهو شئ انت تنتظرينه وهناك ناس اخرين ربما اهلك ينتظرونه معك
لكنك ستكونين اول من يعرفه
(انشا الله خطوبة وزواج مبروك)
تحياتي
ههههههههه
لا جكليته اني مجرد توقعت امر خطوبة وزواج
لانه المدلولات تشير الى امرحسن
وممكن خطوبة وزواج اخ او اخت لك
او احد الاعزاء عليكم
تحياتي
جزالك الله خير على الموضوع القيم.....
حلمت بس مو البارحه لان اني البارحه اصلا منمت
اعطوني سمكه صغيره وانا اعطيتها لاخي ......شنو يعني السمك بالحلم؟.........
السلام عليكم طبعا الموضوع رائع جدا
اني حلمت بس استحمليني شويه
حلمت اني نازله من درج وشفت شخصيتين اعرفهن نساء جذب انتباهي المريه الكبيره بالعمر خشمها وصخ وطالعه الوصاخه على شفتها الفوك المهم اصرت على ان تبوسني
وبستها مرغمه بس دخلت وصاخه خشمها بحلكي اني شسويت رأسا بصقت (العفو طبعا)محتوى فمي بأيدي ومسحت ايدي كامت هاي المريه ولزمتني من ايدي ودخلتني الغرفتها وجانت يم الدرج شفت مخليه اثنين بنكات بالغرفه ومشغلتهن على كل حيلهن من السرعه سمعت صوت المروحه بس باوعت لكيتها بنفس الوقت شاعله صوبتين نفطيه وبنت هاي المره كاعده تتحمه على الصوبه
تكدرين تفسريلي هذا الحلم لان دوخني حيل
السلام عليكم اقحوانتنا الغالية
راح شوية اتعبج اليوم بتفسير حلمين الية بس تقريبا يحملن نفس الفكرة بس المكان يختلف
والحلم الاول حلمت بي قبل فترة بس الحلم الثاني صارلة كم يوم
الحلم الاول: انه اني كنت بالجامعة مالتنا بس مو كليتنا وانما كلية صايرة باطراف الجامعة
ويمكن كلية التربية الرياضة مو كلش اتذكر وخليت اشيائي على مصطبة بعد فترة لكيتهن ما همة
دورت عليهن ولكيتهن بس شي واحد ما لكيتة.
الحلم الثاني: نفش الشي خليت اشيائي بس هاي المرة كنت في زيارة لاخد الائمة عليهم السلام اجمعين
ويمكن امير المؤمنين علي عليه السلام وهمين ضاعت اشيائي وبعدين لكيتهم ما عدا شي واحد بس.
بكلا الحلمين مو متاكدة من الشيئين الني ضيعتهم بس هيج على سبيل التخمين يمكن بالحلم الاول جنطتي
وبالحلم الثاني تكرمون شحاطة او هيج شي (ذكرتهم كلت اخاف تحتاجيهن بالتفسير)
الف شكر مقدما حبيبتي
هاي زهرتنا كيفج عيوني......شنو تعني الخطوبه بالحلم
الاخت العزيزة ماسة العراق
اسفة على التأخير بسبب عطلة العيد
السمك رزق حلال يأتيك من احد ما
وانت ستمنحيه لاخيك لتساعدينه على امور الحياة
حلم طيب وبشرى خير
مع تحياتي
الاخت العزيزة بريق الماس
المخاط رغم اشمئزازنا منه الا انه دليل خير
صح ان حلمك معقد ولكن دققت كثيرا في مدلولاته
واليك التفسير
ان كنت بنتا غير متزوجه فسيأتيك خطاب ومصاهرة
وان كنت متزوجه فان هناك من يرغب ان يصاهرك بخطوبة ابنة لك او اختا او ما شابه
تكونين انت صاحبة رأي في الموضوع وموافقتك مهمه
لكن للأمانه اقول لك
ان نزولك من على الدرج هو ان من اتاكم هم ادنى مكانة اجتماعية
والغرفة التي ادخلتك فيها وتحمل تناقضات
تمثل حياة من ستتزوج في الموضوع وستعيش حياة متناقضة ومحيرة
فأن كان هناك موضوع خطبة وزواج فمن الافضل التريث
والتدقيق فيه وعدم الاستعجال
اتمنى من الله ان يحميكم من كل سوء
ويكتب لكم نصيبا حسنا
مع تحياتي
هلو ماسة العراق
الخطوبة تغيير في الحال نحو الافضل
من رزق او عمل او بيت او زوج
مع تحياتي
رد مع اقتباس