حكاية قلب
على مهلى ماشي
أشد لجامى وأتخفى
وأتحاشي
وفوق درب الوصول واقف
وقدامى الطابور نازف
غريب غاجز
فقير عايز
مانيش عارف مكانى فين
أزوع من عبن
ألاقي ألف عين
بترصد خطواتى
ألمّ الكلمه فوق طرف اللسان
تهرب فى أنـّـاتى
وأنا ف قلب الطريق
عازف علي النغم شِعْري
تدوب ذاتى
وأتفكـّـر
وأتدّبر
وأرسم فى الخيال صوره
ليوم طالع بشمس وضيّ
تدّفي نخلاتى
وتطرح يوم سنابل خير
أهدى الخلق تمراتى
وأنا أفضل سجين الحاجه والعوزه
ومشواري مع بكره لسه طويل
أطول من التوهان
وأتقل حمل كتفي يشيل
عشان أفضل مع الماشيين
على السكه اللى واخدانى
على فين ؟؟ ما أعرف لكن
السكه حادفاني
وامتى أحط أحمالى ؟؟
وأداوى الجرح من تانى
أخاف أسرح بأشعاري
وما أدراشي
وعلى مهلى أنا ماشي
وبالأحمال على اكتافي
لانا بردان ولا دافي
ولا زى القدر خافي
ولا بلسم جراح شافي
وغير دمع العيون ما فى
وع الشط البعيد
وحدى فريد
وبامضغ حسرتى .. بامضغ
ويكفاكى ويكفانى ضنا وتشديد
سمعت دبيب النمل بودانى
سمعته بس فى عروقي
بيحكى لى عن الأيام
وعين فى الضلمه ترصدنى
يمكن جايّه تحصدنى
وأكون ليها الضياء والقصد
وآخر الحصد
تكومنى تلال من طين
ثم تطردنى
وأتشرنق على نفسي
ألــّــف خيوطى م الأول
وأبدأ من فراغ عاجز
ما بين الحلم والمنطق
أصير عاجز
يتوّهنى مصير داكن
ما بين خطين متوازى ومتحاذي
أدور لى على مخرج
مانيش باهرب
ولا قد النزال ف الحرب
على فكره
الهروب سبب مقنع
أرسم صوره للإنسان
لعصر أبيض
شريف وعفيف
حكاية قلب صافي نضيف
عاش عمره يناجى الحب
عاش يبغى طريق القلب
ويمشي وسط موج هادر
طريق أطول من الأعمار
يواجه غضبة التيار
ويحيا الحب
يحيا الحب
*********
م-ن
رد مع اقتباس
