هنا

[حسين الازيرجاوي]

انت بدرب وانه بدرب
ماريد اصيرن سجه الك كل ساعه تسحك عالكلب
خلينه ماجنه كبل حبينه خل نرد غرب
جنت اعتقد حبك امل يكتب على عيون عيون الحرب
جلمة سلم
ترسم على خدود السمه هلال ونجم
واجمل حلم؟
بعيوني اضمك عن كرب
واتصورت حبك رقم واحد اذا في واحدي شماتنضرب
واحد تظل وشماحجو عنك يظل رقمك صعب
ماجنت اظن بعشرتك جدول ضرب
نادم لان خليتك بكل الكتب
وانت ولاجنك محب تلعب على اعصابي لعب
صاير خوارزمي العصر
وبزائدك ياهو اليمر
ينشد مسيح وينصلب
حباب موكتلك كبل وياي لتدور غلب
صدك اذا اصفن وادكك حاسبه؟؟؟
لاشيء تصفه وتنغلب
خلهه اعله حب الله وبعد وياي كتلك لاتطب
بدروب المزاغل ولك ماانخدع
بدموع تمساحك لون من دم تصب
تدريني اداة وجازمه
ومرات اصيرن ناصبه
ووياك لوصارت حرب
تبقى انت مبني اعله الهوه
وكل يوم عالهم تنصب
انت بدرب
وانه بدرب
قررت اعيش بلاكلب

[ياسين الجبوري]

يسلموا

ينقل للقسم المناسب

[العراقية.]

الله عليك شي حلووو

[prince karbala]

رووعه اخويه

[احمد محمد3]