مرحبا شباب مو تكولون مواطن عراقي ما يعرف بالطبخ
طريقة تحضير شوربة العدس
رمضان كريم للجميع ويمناسبة حلوله
راح أقدملكم وصفة تحضير شوربة العدس
بطريقة سهلة ولذيذة
من تجربتي ألشخصية
ألمقاديــــــــــــــــــ ـــــــــــــــــــــــــ ــــــــر
1 كوب عدس يابس
1 راس بصل يابس متوسط الحجم
ملح أبيض ناعم
1 فلفلاية يابسة حارة
1 ملعقة شاي من الكركم
نص أستكان زيت طعام
كيس جاهز من مرق الدجاج (الماجي)
طريقـــــــــــــــــــــ ــــــــــة التحضيـــــــــــــــــــ ـر
يتم غسل العدس جيدا ووضعه في شخالة للمي
بعدها يتم تقطيع البصل بعد تقشيره طبعا الى قطع حسب الرغبة
مربعات او مثلثات او شياف طولانية
بالشكل الهندسي المرغوب او العشوائي
ويجب رمي القشور في السطل الموجود بالمطبخ يم السنك
حتى لا يصير مشكلة من وراهن
ويتم غسل تختة الثرم ووضعها في مكانها تحت السنك
بعد الانتهاء
تقوم بعدها بأحضار جدر الضغط مالكم
وتضع فيه وحسب الترتيب التالي لكي تحافظ على النكهة
الزيت
البصل الذي ثرمته ووكعت نصة بالكاع
ثم العدس
مع مراعاة انزال ما التصق منه بالشخالة
ثم تضع الملح حسب الرغبة
اذا ما جان عندك ضغط
وتضع فوق الخليط الغير متجانس الفلفلاية
بدون تكسير
لانه اذا تكسرت
تصير الشوربة حارة ما تنجرع
وتقوم بذر الكركم
فوق الخلطة
بتأني مع مراعاة توزيعه بشكل
هندسي منتضم
دويرات دويرات
بعدها افرغ كيس الماجي فوكاهن
واخيرا تضع اربعة اكواب من الماء
اذا اردت شوربة ثخينة
وتضع غطاء الجدر مال الضغط
بس أتأكد من اللاستيكة مالته
وأحكم غلق الغطاء
ثم أمسك الجدر بيديك من الاعلى والاسفل
ورجه رجا مع مراعاة ان يكون بكل الاتجاهات
من اليمين الى اليسار
ومن الاعلى الى الاسفل
أشعل العين الوسطانية مو الجبيرة مال الطباخ
وضع الجدر عليها بهدوء
واجلس على الكرسي
لحين ان يكوم الجدر يصيح
اضبطلة الوكت
ربع ساعة
بعدها أطفئ الطباخ
وانتظر ليسكت الجدر
وجيب شيالات مو مثل سالفة البيض المشعوط تحترك ايديك
وشيل الجدر حطة بالسنك وافتح المي بصفة
بحيث يتبرد وحذار ان يكون الماء
ينسكب فوك الجدر
بعدها افتح القبغ
وجيب مواعين حسب عدد الي راح ياكلون
(طبعا هي وصفة مال نفرين )
وقم بجلب الجمجة وخوط العدس بيها زين
وفرغ بالمواعين
ملاحظة يمكن اضافة بعض
الاكسسوارات الغذائية على الشوربة
حسب الرغبة
واثرد بالماعون مال العدس
وألف عافية
* * *
اتمنى ان تروق لكم حين تحضيرها
للاستفسار راجعوني
رد مع اقتباس
