أنا الصايم بعشكك ما طلبت أهواي٠ فد متره على جنبك أعليهة نتمدد٠
تتكارش ارموشك وي حجي اشفاي ٠٠٠٠٠٠نستلكة السوالف ، كلي هم تصمد؟!!
وهم كالو حبيبك يختلي،معقول مربيه أعلى ايدي وما أظن يجمد .
مرات اللسان يكول محله اللون, وأحس اللون يزعل جنه من يحمد .
حبيبي آني المحلي اللون بالثبات
شهادة لون دمي من عليه يمتد .
حملتك وي شعري قافيةكل بيت معقولة يعيش البيت من تشرد .
يا باكة الياس بكل عرس تنجاب،تتبارك ايامي بشوفتك تنشد.
هم سامع بعمرك ورد طاح ومات،من دون الثمار البيهة تتعمد.
ثمار الورد عندي محبه الأغصان،شيشيل الثمر لو يسقط المسند.
شيكولون عنك ما أهد الأحبال،نجاتي بحبل وصلك ينرسم مشهد
مشهد بلأماني ومسامر العشاك،
فرشاتي الشفايف تنرسم عل الخد
انه العاشك مواجع وكثرة الآهات
بس يبعد حبيبي يطلعن بأزيد،
لذلك اني احبك يا زمان الضيم ،لأن خلي بوجودك ألي متفرد
ولذلك شما تقسي أنته اعلي ،
ما همني وجودي بفركه المعبد
يا خلي رضيت بقسمتي وياك ،
هم باقي بعهودك جلمتك تصمد
يجاوبني خليلي وعينه تنكط جود
بركان العشك وياك ما يخمد
رد مع اقتباس
