ليك .. اشــــــجاب قلبي وانتبه لــــك
صرت وياه عايش .. وانتَ بأهــــلك
احس احيا بوجودك , وإن تبي أهلك
دير الوجه .. موت اتشوف بيه
راهنت الگلب ينساك لابد
وعلى بالي ابد ماتمر لابد
شردت منك طلعت انوب لابد
وراك وگمت أأشرلك عليه
خضّر شوكهـم وايبس ربيعاي
وثلث ترباعهم حسدوا ربيعاي
اشو عدهـــم ربع وانه ربيعاي
يدورون الغلب واجتــــاف اديه
رجيج ابشعري ماظن بيه حسجاه
وعليـــه الوادم ابفد صوت حسجاه
صاحت والكلام ابساع حسجـــــاه
كلبي وظــــــــل يسفط شعر ليه
كلبي لغير شخصك من ثاره
وعليك الشوك ميت من ثاره
دليلي وياك يطلب من ثاره
عهد بوسات توفي الشفه اليه
وي الخنسا انا بالحزن موصاف
وبضيمي درست اصفوف موصاف
خبط ريزان دمعي اويهل موصاف
لمن كف السواد اوخلص ميه
خذوا گلبي ومشه اليناز ... ونشاع
شيفيد النور للميتين ... ونــشــاع
انفضح سري فضيحة غجر.. ونشاع
بگهاوي وترطن الخرسان بـــيـــه
يشامت لاتلوم الروح :خلها
بسبب فكدت اعز الناس: خلها
طريح انه وتلوم الناس :خلها
الحجت والما حجت مايغيرون بيه
راهي وتلعب بكيفك وكتلاك
واريد اظهرلك العندي وكتلاك
اعذرني من اغلط بحكمك وكتلاك
لان حبك جبرني عله الاذيه
رد مع اقتباس
المشاركة الأصلية كتبت بواسطة بنت الناصرية
