حبيتك صدك معقوله ما حسيت
ﺣﺒﻴﺘﻚ ﺻﺪﻙ ...
ﻣﻌﻘﻮﻟﻪ ﻣﺎ ﺣﺴّﻴﺖ
ﻭﺁﻧﻪ ﺍﻟﺠﻨﺖ ﺍﻇﻨّﻚ ﺗﺪﺭﻱ ﻭﺗﺤﺒﻨﻲ
ﻃﻠﻊ ﻛﻠﺒﻚ ﺍﻧﺎﻧﻲ ﺃﻧﻲ ﻭﻳﻪ ﺃﻧﻐﺮّﻳﺖ
ﻣﺎ ﻭﻗﻪ ﻟﻤﺤَﺒﺘﻲ ﻭﺑﺎﻟﻌﺠﻞ ﺫﺑﻨﻲ
ﻭﺣﻴﺪ ﺑﻼ ﺣﺒﻴﺐ ﻭﻻ ﻋﺸﻚ ﺿﻠّﻴﺖ
ﺷﺠﺮﻩ ﺑﻼﻳﻪ ﻣﻲّ ﻭﻻ ﺷﻤﺲ ﺟﻨّﻲ
ﺻﻠﺐ ﻣﺜﻞ ﺍﻟﺠﺒﻞ ﺑﺎﻟﺸﺪّﻩ ﻣﻨﻬﺰّﻳﺖ
ﺑﺲ ﺑُﻌﺪﻙ ﻋﻠﻴﻪ ﺑﻬﺎﻟﻮﻛﺖ ﻫﺰﻧﻲ
ﺣﻴّﺮﻧﻲ ﺍﻟﺰﻣﺎﻥ ﻭﺑﻴﻚ ﺃﻧﻪ ﺃﺣﺘﺎﺭﻳﺖ
ﻭﺟﻦ ﺑﻴﻚ ﺍﻟﺰﻣﻦ ﺭﺍﻳﺪ ﻳﻌﺬﺑﻨﻲ
ﻧﻄﺮﺕ ﻣﺤﺒﺘﻚ ﻭﺍﻟﻬﻪ ﺷﻜﺜﺮ ﺗﺎﻧﻴﺖ
ﻟﺤﻈﺎﺕ ﺍﻟﻌﺸﻚ ﻭﻳﺎﻙ ﻧﺴﺘﻨﻲ
ﺟﻨﺖ ﻟﻴّﻪ ﺍﻻﻫﻞ ﺍﻧﺖ ﻭﺟﻨﺘﻠﻲ ﺍﻟﺒﻴﺖ
ﻭﺑﺲ ﺍﻧﺖ ﺍﻟﺠﻨﺖ ﺑﺎﻟﺪﻧﻴﺎ ﻋﺎﺟﺒﻨﻲ
ﻭﺟﻨﺖ ﺍﻧﺖ ﺍﻟﺘﺬﻭّﺏ ﻗﻠﺒﻲ ﻟﻮ ﻋﺪّﻳﺖ
ﻭﺃﻃﻴﺤﻦ ﻟﻮ ﻋﻴﻮﻧﻚ ﻣﺮّﻩ ﺗﻨﻈﺮﻧﻲ
ﺟﻢ ﻣﺮّﻩ ﺍﻟﻮﻛﺖ ﻳﺠﺮﺣﻨﻲ ﻣﺘﺄﺫﻳﺖ
ﺑﺲ ﺯﻋﻠﻚ ﻋﻠﻴﻪ ﺍﻟﺠﺎﻥ ﻳﺄﻟﻤﻨﻲ
ﺑﺸﺮ ﻏﻴﺮﻙ ﺃﺑﺪ ﺑﻜﻠﻴﺒﻲ ﻣﺎ ﺣﻄﻴّﺖ
ﻭﻛﻞ ﻭﺍﺣﺪ ﺑﻌﺪ ﺑﺎﻟﺪﻧﻴﺎ ﻣﺎ ﻫﻤﻨﻲ
ﺟﻨﺖ ﺑﻌﻴﻨﻲ ﻟﻴﻠﻰ ﻭﺟﻨﺖ ﺟﻮﻟﻴﺖ
ﻭﺟﻨﺖ ﺁﻧﻪ ﻗﻴﺲ ﻭﺭﻭﻣﻴﻮ ﺑﺬﻧّﻲ
ﻭﺻﺮﺕ ﻛﺒﺎﻟﻲ ﻋﺒﻠﻪ ﻭﻭﺍﻟﻠﻪ ﻟﻮ ﻣﺮّﻳﺖ
ﺍﺻﻴﺮﻥ ﻋﻨﺘﺮﻩ ﻭﺍﺑﻦ ﺍﻣﻪ ﺍﻟﻴﻜﻈﻨﻲ
ﺷﺠﺎﻙ ﺗﻐﻴﺮﺕ ﻭﺑﺮﻭﺣﻲ ﻣﺎ ﺧﻠﻴﺖ
ﺑﺲ ﺣﺴﺮﻩ ﻭﺩﻣﻊ ﻭﺟﺮﻭﺡ ﺃﺫﺗﻨﻲ
ﻭﺷﺠﺎﻙ ﺗﻐﻴّﺮﺕ ﺻﺪﻛﻨﻲ ﻣﺎ ﻇﻨﻴﺖ
ﺗﻨﺴﺎﻧﻲ ﺑﺴﻬﻮﻟﻪ ﻭﺗﺒﺘﻌﺪ ﻋﻨﻲ
ﺃﺷﺘﺮﻳﺖ ﻣﺤﺒّﺘﻚ ﺑﺎﻟﻐﺎﻟﻲ ﻛﻠّﻲ ﺷﻠﻮﻥ
ﻓﻠﺲ ﻭﻧﺺ ﻣﺤﺒﺘﻚ ﻫﺴﻪ ﺑﺎﻋﺘﻨﻲ
ﻳﺎ ﺫﻧﺐ ﺍﻟﺠﻨﻴﺘﻪ ﻭﻛﻠﻲ ﺍﻧﻪ ﺷﺴﻮﻳﺖ
ﺣﺘﻰ ﺍﻧﺖ ﺑﻌﺬﺍﺑﻲ ﻟﻮﺣﺪﻱ ﺗﺘﺮﻛﻨﻲ
ﺟﻨﺖ ﺁﻧﻪ ﺍﻟﺤﺒﻴﺐ ﺍﻟﻤﺎ ﻳﺰﻳﺤﻪ ﺍﻟﻜﻮﻥ
ﻭﺍﺣﺪ ﻫﺴّﻪ ﺯﺍﺣﻪ ﺷﻠﻮﻥ ﻓﻬﻤﻨﻲ
ﺗﻤﺸﻲ ﻛﺒﺎﻟﻲ ﺗﻀﺤﻚ ﻣﻨﺸﺮﺡ ﻭﻳﺎﻩ
ﻣﺎ ﻋﻨﺪﻙ ﻗﺼﺪ ﻛﻞ ﻗﺼﺪﻙ ﺗﻐﺜﻨﻲ
ﻣﻮ ﺻﻮﺟﻚ ﺍﺑﺪ ﻻ ﺑﻴﻪ ﻛﻞ ﺍﻟﺼﻮﺝ
ﻗﻠﺒﻲ ﺑﻬﻞ ﺍﻟﻤﻮﺍﻗﻒ ﻫﻮّﻩ ﺍﻟﻴﺤﻄﻨﻲ
ﺻﺢ ﺁﻧﻪ ﺍﻧﺠﺮﺡ ﺑﺲ ﺍﻟﺠﺮﺡ ﺍﺳﺘﺎﺫ
ﻗﺎﺳﻲ ﺑﺸﺮﺣﻪ ﻟﻜﻦ ﺩﺭﺳﻪ ﻋﻠﻤﻨﻲ
ﺗﻌﻠﻤﺖ ﺍﺑﻘﻰ ﺻﺎﺩﻕ ﺑﺎﻟﻌﺸﻚ ﻟﻠﺪﻭﻡ
ﻭﻣﻨﻪ ﺍﺻﻨﻊ ﺗﺠﺎﺭﺏ ﺧﺒﺮﻩ ﺗﻜﺴﺒﻨﻲ
ﺭﻭﺡ ﺧﻄﻴﻪ ﺍﻧﺖ ﻭﻻ ﺗﻈﻦ ﺑﻴﻮﻡ
ﺗﻌﺮﻑ ﺷﻨﻬﻮ ﺣُﺐ ﻭﺗﻤﺴﻲ ﻣﺘﻬﻨّﻲ
ﻣﺎ ﺗﻜﺪﺭ ﺗﺤﺐ ﺗﺎﻳﻪ ﺗﻈﻞ ﺣﻴﺮﺍﻥ
ﻭﻗﻠﺒﻚ ﻣﺎ ﻳﺪﻙ ﻓﺪ ﻳﻮﻡ ﺻﺪﻛﻨّﻲ
ﻭﻣﺎ ﺗﻌﺮﻑ ﺑﻌﺪ ﻣﺤﺒﻮﺏ ﻣﺜﻠﻲ ﻳﺼﻴﺮ
ﻭﺍﺫﺍ ﻭﺍﺣﺪ ﻳﺼﺢ ﻟﻚ ﻣﺜﻠﻲ ﻋﺎﺗﺒﻨﻲ
ﺗﻠﺚ ﺳﻨﻴﻦ ﺍﺣﺒﻚ ﺗﺎﻟﻲ ﻫﺬﺍ ﺍﻟﺼﺎﺭ
ﻃﻮﻝ ﺍﻟﻤﺪﻩ ﻭﺍﻧﺖ ﺑﺤﺒﻲ ﺧﺎﺩﻋﻨﻲ
ﺁﻧﻪ ﺍﺗﻜﻨّﺴﻠﺖ ﻫﺬﺍ ﺍﻟﻐﺸﻴﻢ ﺷﻠﻮﻥ
ﺍﺫﺍ ﻣﺎ ﻋﻔﺘﻪ ﺑﻌﺪ ﺍﺳﺒﻮﻉ ﺧﺎﺑﺮﻧﻲ
رد مع اقتباس
