مسية العافيه عليكم يا اهلنا
شلونكم عيوني
انشالله بخير
.
خلي ندخل بالمفيد وبدون مقدمات
.
كان يا ماكان في شهر حزيران كان اعتقد موسم نزول الباميه هع
اهل ورده خانم راحوا بسفرة
وفكروا يجيبون لورده الحبابه صوغه
فجابولها 20 كيلو باميه
وكعدت ورده المكروده
(تكلم)باميه (يعني افصل رؤسها عن اجسادها)هع تعبير داعشي طبعا
اووووووف اتذكر هاذي الايام كانت بليلة عيد الفطر هع ومحد ساعدني هع
المهم صرت بطله وخلصتهم كلهم وسلقتهم وعبيتهم بأكياس
لأن تعرفون
ورده خانم موظفه يعني بس سالفة الاكياس تفي بالغرض هع
.
راح نبدي هسه نسوي باميه
اول شي اطلع باميه من المجمده هع
ممممممممم طبعا متروسه باميه وطماطه وسمك ولحم واليريد هله بي خخخخخ
طبعا مركة الباميه بدون بصل والي تحط بصل خلي تجي اكفشها ههههههه
بعد سلق اللحم يحتفظ بماء السلق لعمل التشريب او المركه
ونضيفله معجون وطماطه بعد عصرها
وهنا بدت تغلي (تفور)
اضيفلها الثوم بعد ما ادقه بالهاون انا استخدم الهاون ما اضيفه صحاح لان ريحته تجنن بالباميه بعد دقه
وهنا بدت تفور مع الثوم واللحم
واكيد دا تشمون ريحة مركة الباميه ههههههه
قبل ما تبدي (تكرض)يعني شوي ينشف الماي وتثخن اضيف الباميه تجنبا لتشويه شكلها وتلفها
ابقيها شويه بينما يحل الباميه المجمده وبعد التاكد من الملح اطفيها
,,,,,,,,,,,,,,,,,
اما فيما يخص التمن
انا احمس بصل اول مره
للطعم طبعا
ويفضل العنبر مع الباميه
وبعد ما استوى الاكل
اكدر اكوللكم الف عافيه وتفضلوو
والي يحبون تشريب الباميـــــــــــــــــــ ـــه
هديتي الهم
الف عافيه ع قلوبكم
ها هدووووووء شلوني
طبعا الموضوع هديه لهدوء الكون ويمام لان صارله فترة طويله بس اتعاجز انزله
لا تنسوني بالتقييمات
خوما بس تاكلون ههههههه
رد مع اقتباس
المشاركة الأصلية كتبت بواسطة هدوء الكون
