الشاعر ثامر السراج الكاظمي
يـا سـاكـنـيـن الـمـديـنـه...لـلـبقيع إعتنينه
دورنـه بـس مـا لـقـيـنـه...ويـنـه قبر الحزينه
يـا زهـراء مـظـلـومـه ...يـا زهـراء مـظلومه
أمنه ماتت بعد كسر الضلع...و غسّل الزهره حيدر بالدمع
لـلـوديعه دفنها إبيا وضع...و من دفنها طفه كل الشمع
هـالـلـيـلـه حـمـاي الـحمه... همل كل إدموعه
ون إعـلـه فـرقـة فـاطـمـه ...ونـه ما مسموعه
فـقـد سـلـوة روحـه...و عـاش ويـه إجروحه
فـقـد دمـعـة نـوحـه...عـالـقـبـر مـطبوعه
هـذا الـقـبـر بـيـه عـلامـه خـالده من علينه
دورنـه بـس مـا لـقـيـنـه... ويـنـه قبر الحزينه
حـيـدر إعتمد إيضيع القبر...هالقبر أمره يم راعي الأمر
صـحـنه يمته يسلطان العصر...مرقد الزهره بيدك ينعمر
مـرقـد الـزهـره أم الـحـسـن ...يختلف عن غيره
مـحـسـنـهـا ويـاهـا إنـدفن ...و المصيبه إجبيره
مـحـسـن إيـريـد أمـه...هـيـه كـون إتـشمه
عـلـي إدفـنـهـا يـمـه...مـا تـركـهـا إبحيره
حـيـرتـنـه ذبـحـة أملنه... كل شي ما طح بيدينه
دورنـه بـس مـا لـقـيـنـه... ويـنـه قبر الحزينه
علي إبيا صوب دفنها الفاطمه ...هالقبر بالأرض لو بالسمه
إيـكـون نسأل علي حامي الحمه...لو سإلناه أكيد إنألمه
يـبـن الـحـسـن جـدك عـلـي إبـيا قبر خلاها
هـالـمـحـنـه يـمـتـه تـنـجلي دهر عشنه إوياها
هـالـقـبـر بـجـانـه...مـنـعـرف عـنـوانـه
و الـدهـر خـلانـه...عـن بـعـد نـنـعـاهـا
ردنـه إبـدمـعـنـه ...إنـقـلـهـا يالشفيعه إجينه
دورنـه بـس مـا لـقـيـنـه... ويـنـه قبر الحزينه
بـالـبـقيع القبور الأربعه ...هدموها و رمونه إبفاجعه
ضـاقـت إعلينه كل الواسعه...و بقت عين الموالي دامعه
إقـلـوب الـعـده مـسـتـبـشره شيعتك مهمومه
إتـنـدبـك رقـيـه الـطـاهـره و زينب المظلومه
بـالـخـطـر عـمـاتـك...مـا إجـت رايـاتك
نـنـتـظـر ثـاراتـك...و الـمـهـج مـالـومـه
يـالـمـهـدي صـعبه المصيبه... و إحنه بيك إنتخينه
دورنـه بـس مـا لـقـيـنـه... ويـنـه قبر الحزينه
زيـنب إنصابت اليوم بألم ...إتوجهت للقمر حامي الحرم
إتـقـله وينك يشيال العلم...يم رقيه العده رشقت سهم
يـالـمـهـدي زيـنـب تـنـتـظـر سيدي شمتاني
لـو مـا تـجـي مـا تـنـدحـر رايـة الـسـفياني
رايـتـه مـنـشـوره...و الـظـلـم عـم جـوره
يـمـتـه تـخـتـم دوره...الـيـمـتـه تبقه إتعاني
يـالـمـهـدي عـجـل ظـهـورك يـا أملنه إنولينه
دورنـه بـس مـا لـقـيـنـه... ويـنـه قبر الحزينه
رد مع اقتباس
