جايبلكم عجائب الدنيا السبعة العراقيه
1_العجيبه الأولى :ان تكون محطه البانزين فارغه بحيث لمن تجي للبانزينخانه و اتفول بانزين و العامل يقدملك جكليته و يرحب بيك و يخيرك بين البانزين العادي او المحسن او الأكسترا و من ثم يودعك بزهره قرنفل حمرااء
2-العجيبه الثانيه :ان تبقى الكهرباء 24 ساعه و يمكن تشغيل المكيفات و المبردات و الأضويه من دون خوف يعني ما ((اترمش)) و بنهاية الشهر يجيك رجل مرتب يعني (لابس قاط و رباط و حذاء مصبوغ) حتى ينطيك الفاتوره و التي هي 100 دينار
3_العجيبه الثالثه :و التي هي عندك موبايل شبكته اقوى من سوبر مان وتكدر اتخابر اي واحد حتى لو جنت بعرعر و سعر المكالمه 2 سنت بحيث كارت 10$ يكفيك 3 اشهر
4_العجيبه الرابعه :هو ان تعبر من كل جسور بغداد و خاصه (الجسر المعلق) دون ان يستغرق 5 دقائق و الطريق من الشورجه للعلاوي ما يطول فد 3 دقائق
5_العجيبه الخامسه :الأولاد بالمدرسه لمن يشوفون طائره حربيه او هليكوبتر او دبابه او همر بالتلفزيون او بالصور يسألون المدرسه ست شنو هاي ؟؟؟ لعابات لو شنو !
6_العجيبه السادسه :انه الواحد من ينام ما يسمع لا صوت انفجارات ولا قذائف ولا هاونات.....لا بالليل ولا بالنها
7_العجيبه السابعه :هو ان تدخل بالمنطقه الخضراء و الشرطه كلهم يطكولك تحيه و يرحبون بيك و تتغدى عدهم و تشرب جكاره و وراها نركيله( ام التفاحتين) و ترجع للبيت الساعه 3 بالليل لأن اكو وراك شغل في اليوم الثاني؟؟؟
هايه تشمل الولد
نتمنى من رب العالمين ان يتحسن وضع العراق بس
مو بهاي العجائب لأنها حلم على قلب كل عراقي
__________________
رد مع اقتباس
