اريد اكصد لعد كلبك وظيفه
واحط حبي على حبك وظييفه
اذا هذا العشك صاير وظيفه
ما اطلع تقاعد للمنيه
الحزن لاجلك هويتة صار مني
وليالي هواي بعدك صارمني
شتريد الكلب؟ اخذة صار مني
اخذ شتريد بس ارجع الية.....
صخر ما اذوب بس كوة اذب لك
سكيتك وانا بيدي اكدر اذبلك
يكلبي انوب اذا تعشك اذب لك
نفط وبنار احركنك بدية
بعلاقتنة منو الخربط وشر بك
وجنت بيدي اوكلنك واشربك
حقد شايل علي كلبك وشر بيك
وتخالفنة وحلم نرجع سوية
نثرت دموعي للاسمر والاكحل
وصبغ وجانتي على خدودي ولك حل
صدكني سهل انت ولك حل
احلك لو ترد انت علية
على ضيم الهوى ياروح علمي
وبيها ارفعت اني اليوم علمي
اسالتها المستوى وتكول علمي
بخامس باء يالتسال عليه
قلبي انت ملكته وانت حر بيه
عليل وطبي عندك وانت حر بيه
كاس السم اشربه وانتحر بيه
اذا غيرك يمس اطراف ادية
هلي وياهم چنت عايش بلاهم
ونهاري شماضوى مظلم بلاهم
هلي مدري الوكت شنهو بلاهم
ولاهم اعرفوا بالصار بيه
الك ياصاح ماظل مني خاطر
واحسبه احساب دربك من اخاطر
تعال كرب حبيبي مني خاطر
تعرف اجنون حبك اسوه بيه
لتظن نار گلبي اعليك .. تبرد
وبعد كل الحچيته وياك .. تبي رد
اشوكت ماجيتك بالسچين .. تبرد
دهاك اذبحني هو اشظال بيه
حبيبي شلون ماحبك ولابيك
وامك ماتحن مثلي ولا بيك
يكون لوعاتك بية ولابيك
وحول كل الم منك اليه
احبك واليمانع من وريدك
وحس بكلبي ينبض من وريدك
كل الي صار بية من ورة ايدك
وبعدني اهواك انة مو بدية
سچاچينك ابنص حشاي * لاحن
وعزف عود بدليلي الك * لاحن
شنوگلّبك صخر لا سئل * لاحن
وانه گلّبي انترس ضيم وأذيه
ها يل جنت مني وجنت مناك
علي منيت واني قبلت مناك
ياخلي ليش دربك صار مناك
قروا بذنك تريد اتخون بيه
ألك كل يوم أنه أتعنه وصل بيك...
عنادك وين يبنادم وصل بيك...
حبيبي وشايل بجيبي وصل بيك
وبيك باجر ينطوني هوية
رد مع اقتباس
المشاركة الأصلية كتبت بواسطة حيدر الطائي
