عيد الحب الناس اتعيد
وتفرح بي كل العشاك
واحنة نعيد براس الشارع
كل شوية مفخخ طاك
عيد الحب مر من يم طفله
كالتله امشي نريد انام
لو صح الناس احنة تحبنة
جا سوو عيد الأيتام
عيد الحب تدري امته نعيد
من يرجع ذاك الي راح
من ترجع ببلادي العزة
والنخلة تحب الفلاح
عيد الحب تدري ايمته نعيد
من يشفة الغركان بجرحة
من تعم الضحكة الحلوة
وبطفالي ترد طعم الفرحة
عيد الحب ما كلك روح
بس ارجع في وقتٍ ثاني
لو تلكاني تحقق حلمي
لو يمكن هم ما تلكاني
رد مع اقتباس
