قصيده رائعه في حق الامام علي عليه السلام
¤عدينه الليالي السود واطباع السنين اخيولهه امسابك
¤وتحملنه الجروح اسنين واجروح الزلم من تنلجم تغمك
¤وكحه الدنيه صلفة عين الدنيه اتخون من تعشك
¤جفت من سال دم هابيل وانباك الصوت واسم الحك
¤مر قابيل لا بس الغراب اليبحث وينغك
¤خناجر طعنت التاريخ من سم الحيايه املدغ املثك
¤اسولف لو ثجيل الحك
¤اخاف اتكول رافضي واليحب البيت باهل البيت يتعشك
¤لا والحك ثابت ما يزول الحك
¤محمد (ص) بالوداع اشكال موش اعلنهه طك بطك
¤رفع جفه وندب باسمه
علي الايه.. علي الرايه .. علي حلمه البحر واغمك
¤علي هارون من موسى.. وهبوب عذيبي من يشهك
¤علي انطرله جدار البيت والطوله الكمر دنك
¤علي بيرغ وفه وتيار والاف البيارغ لو وكع تتشكك
¤وين الحك خل نتمايز ويه الحك
¤علي لوما تدارك نوح جا غط والسفينة اشراعها اتشكك
¤علي هد للمسيح ابليل من شاف المسيح بخشبته امعلك
¤علي بيوم النخاه ذي النون خله الحوت باطراف الجرف تطلك
¤وين الحك خل نتمايز ويه الحك
¤النبي يحيى بمخالب جرة المنشار ظل يبغك
¤وحيدر من علاه السيف بفياض الدمه اتنشك
¤الف طالوت الف جالوت ذي القرنين شال ودك
¤وين الحك خل نتمايز ويه الحك
¤يا هو الوهب ثوبه وركع الفتك
¤علي نش الزلم جدامه نش البك
¤علي شمعه.. علي دمعه.. علي فرحه.. علي كبل الخلك مخلك
¤يا عيد المثل ها العيد يا سيف التطوه بركبته اتخندك
¤ثجيله حجاية الوجدان والكصه طبعهه من الخجل تعرك
¤وشاراتك علي بكل حين جم ناحب خبيث ابحضرته اتعلك
¤ارد الصوت جلمه حك
¤كلمن عاده ابو الحسنين الف نعله اعله ابيه منين ما نتك
¤واذا حبك حبل يكطع هوه الزردوم
¤انه اول حبيب بحبك امعلك .. انه اول حبيب بحبك امعلك
للشاعر العراقي : عريان السيد خلف
رد مع اقتباس
