اذا عينك ســـفينة تســــابق الإعـصار
أكيد الســــفن يمها بلاوشك ترسي
ولأن خايف تحسدك يا حبـيبي الناس
علــيك الفلق أقره وآية الكرسـي
***************************
لاتلوم الكـلـب مـن يـزعـل عليك
لأن روحي وروحك اشتركن سـوه
ومستحيل انساك يااغـلـه حبيب
لأن انه اتنـفــســك وي الـهــوه
**************************
كتاب أنت أنكتب كلشي حلو بيك
ومامليت منك من قريتك
ولو أدري المكاتب منك تبيع
بعت الروح لاجلك واشتريتك
**************************
ماجيت اشتكي كالولي راح اتروح
جيت انهي البدايه وأختم القصه
فرصه من العمر جانت محبتي وياك
وصدك ماترد لو راحت الفرصه
**************************
عندك نور يشبه نور الهلال
يعني انتة كمر وهلال تنقاس
اصعد فوك بيتك باجر وشوف
اذا مو عكب باجر تفطر الناس
**************************
ما نايم امس بس احلمت بيك
امل صرت ابحياتي وحلم مو عادي
امس عينك إمام ورمشك الشباج
واتمنة اوصلك حتة اخذ امرادي
**************************
خليتك حلم و عيوني ترسم بيك
وغير عيوني محد يكدر يرسمك
وندهوني شكثر بسمي وجنت ناسيه
وكلتلهم نعم من صاحوا باسمك
**************************
تعال بكل وكت تلكاني موجود
بس كونك تجي موماتجيني
واذا ماجيتني هم تنحسب جاي
لان موجود انتة بوسط عيني
رد مع اقتباس
