مرحبــــا يا جماعــــــة
شوفو الحشاشة ديتحاورون
الاول - صناديق الاقتراع عدمن راح يخلوها بينما تصير الانتخابات الجاية ؟
الثاني - لو حسب رأي الجمهور لو يم صديق
الاول - واعضاء البرلمان الحاليين وين راح يرحون لمن يتشكل البرلمان الجديد ؟
الثاني - يصيرون بالصحوة
الاول - ورئيس الوزراء شراح يشتغل ؟
الثاني - يكعد ينتظر تعيين
الاول - زين رئيس الجمهورية ؟
الثاني - هذا مثبت من قبل المشرفين
الاول - هم اكو مناصب لاصقة على غرار العبوات اللاصقة ؟ الي يكعد بيها بعد ما يكوم ابد ؟
الثاني - لا عمي لا لعد وين الديمقراطية
الاول - والمليشيات الخاصة شراح تشتغل بعد انتهاء مهام اعمالها ؟ واعمال الي جابوها ؟
الثاني - اكيد يطلعون تقاعد ويسوون بطاقة ذكية
الاول – صحيح الدستور يتمدد بالحرارة وينكمش بالبرودة ؟
الثاني - لا ... بس يتمطى بالسحب
الاول - والحواجز الكونكريتية ؟ وين راح يحطوها بعد الاستقرار الامني الي تحقق ؟
الثاني - يكولون راح يخلوها على الحدود ويسدونها
الاول - وبعد ما تتشكل الحكومة الجديدة شراح تسوي للشعب ؟
الثاني - تسكيه كمون
الاول - على بختك .... لويش ؟
الثاني - لان اواعدك بالوعد خلصت ويه الدعايات الانتخابية وبقت اسكيك يا كمون
الاول - النفط خلص لو بعده ؟
الثاني - ليش تسأل جا هو مال بيت ابونا
الاول - لا بس ردت اضملي شوية للشته الجاي
الثاني - خلي نخلص الصيفيه وبعدين
الاول - ليش احنا بالصيف لو بالشته ؟
الثاني - ما دتشوف الوادم واره ومحترق ابو ابوها لو ما دتتابع الاخبار مال تشكيل الحكومة
الاول - يا حكومة ؟
الثاني - الحكومة مال ذولي المتعاركين صارلهم شهرين
الاول - لويش ديتعاركون ؟
الثاني - علكرسي
الاول - ليش ماكو كراسي بالبلد ؟
الثاني - اكو هواي السوك مليان
الاول - لعد لويش هذا الكرسي كاعد حظة
الثاني - اخذلك حباية وانسطل .... شعلينا قابل العراق مال بيت ابونا ؟
رد مع اقتباس
