الى محبوبي .
وكفت شيعتك منتظره هذا اليوم
تصير ويه المنايا اصحاب موش اخصوم
ضرير الما يشوف هلال وسط غيوم
نتناك اعله شوك وانت تتنينه
عد عيناك يا مهدينه
يمته توازن الجفه ويهل جفه
وتاخذ ثار جدك لنذبح وسفه
الشريعه اتعذرتلك بصمة بخمسه
تجيب الماي العبد الله وتكر عينه
عد عيناك يا مهدينه
الشمس باجر مأموره تغيب اخلاف
تشرق بالغروب وتغرب ومنخاف
ثلث تيام تغيب وبعد ما تنشاف
يعني التوبه حسره اعله اليعادينه
عد عيناك يا مهدينه
ما تاهت رعيتك وانت كافلهه
مثل عمك كفلهه الزينب وكلهه
لطير بهل جفوف وكربله اوصلهه
عرش بلقيس اجيبه لو تطلبينه
عد عيناك يا مهدينه
اخيار العراق امجنده الامرك
وبالشام البدل متخصص النصرك
مصر ولدت نجايب تنتضر فجرك
دموع الفرح تنزل من تصد لينه
عد عيناك يا مهدينه
يماني باليمن حاضر وشاهد
يمينه بيمنتك مدها يعاهد
قسم يفديك بالسبع المساجد
الهدايه براية وجدك موصينه
عد عيناك يا مهدينه
عشره وعشره وتلاثه بشهر رمضان
نسمع صيحه يفزع منها كل انسان
ما خابن ضنونك يالجنت ولهان
احنه اعله القصاص اليوم خلينه
عد عيناك يا مهدينه
من جهينه اريد ينذاع الخبر
انخسفت الكاع وبعد ماكو مفر
هذا جيش الكفر بجحوره انطمر
وصيحتك جبريل تبشر بينه
عد عيناك يا مهدينه
من تسيل ادماك يالنفس الزكي
اتوجر الثوره وبعد ما تنطفي
اخمسطعش ليله انتظار ونحتفي
البيعة الموعود نمد ايدينه
عد عيناك يا مهدينه
بقلمي المقصر بحق ال البيت
رد مع اقتباس
شكرا على التقيم
