أوكـــــــــــف يا زمــــــــــــــن
أوكف يا زمن , شلي بهذول الناس ..
ردني غلى الترافه بجنحك الخفـــــه
ردني على الدفــو و محنه اليوفون
مو ياهــو اليشوفـــك يا زمن وفـــــه
مو ياهو اليشوف ( الرحه ) راحه بال
جوه الــرحه يامه مـن الفخـر لفـــــه
جانت سنبله واتطوف بيهه الريح
جانت ذهــب خالـص مـحد يألفـــــه
وهسه بكل صلافه من عجوز اللوج
ناعور الوكت ما يوكف و يشفــــــه
خلني بظل ( فسيله ) بكل قناعة ارتاح
مو صفصاف و اختل و البرد رجفه
خاطر من يسائل عاذل واختاض
يم (بت عمتي) اكله واردع و اصفه
خلني بنص عشيره اشتهت عرس ايصير
كلهه اتـــلـفـتـت مـن ياهـو يستكفـــه
ما همني الامل بعين اليتامه النام
بس همني اليعاين , عينه ما تغفــــه
ما همني الدقايق يمته توكف بيك
عسى ربي رزقني من العطف و كفه
ردني على الترافه بشفه اليقرون
ايه من الكـتاب التـنوصف وصفـــــه
ردني بجنحك لاول قصيده وبيت
ابـــوذيه اشتهيت وهـل البحر وفــــه..
لا مجفي على دنيــاي ولا ظـم
و لا ابـــعد على احبابـي ولا ظـم
لزم لــــزمه علي دهري ولا ظـم
خيوط الـفركه حاكتهه المنيـــــــــــه
رد مع اقتباس
