لا حُب دردشة ولا حُب رقم وإيميل..
مامره ذكرتني وآني ما ناسيك
يبو طول الحلو وعيون حلوه إوساع
من تمر يعمري صدفه من بعيد
اشوفك بالكَلب لا أبد مو عالكَاع
يالعايش بدمي ونبضي والشريان
تذوب الروح بسمك والنبض ملتاع
عمي انته حلو وكل احنه نعرف بيك
وندريه بغرورك بيه الف من داع
بس هذا غرورك تالي يوصلك وين
وميزان الزمن عنده بالف صاع
اخاف بيوم تصحى وماكو من خلان
الزمن غدار طبعه وهالغدر شاع
منو مثلي يحبك حُب بلا غايات
لا حب هالوكت ولا من عهد ينباع
لا حُب دردشة ولا حُب رقم وايميل
ولا حُب العلن وبيـــــــه الخبر ذاع
حُبي القُدسي يبقى الك للدوم
حُب الروح يبقى للطُهر عنوان
يخلي الدنيا جنة عنب وأعناب
ويراويك العذوبه بكل صنف الوان
يخليك بمحبة لكلشي بالكون
رمز نوراني كَلبك مُمتلئ ايمان
هذا العشكَـ عندي وهذا معناه
عشكَـ يرضي الإله المالك الأكوان
رد مع اقتباس
المشاركة الأصلية كتبت بواسطة prince karbala
