الى الارهاب الومضة مع القصيدة ... كاملة وحصيرا للمنتدى
السلام عليكم بما ان المنتدى لكل العراقيين
وبما ان الارهاب يقتل كل العراقين من الشمال الى الجنوب
ولا يميز بين احد واحد
اهدي لكم مع الحب هذه الومضة والقصيدة الموجهة لعدو العراق الارهاب البغيض اجلكم الله
ثلاث ابيات الى من لا يعرفون طعم الرجولة فذهبو ليقتلو براعم الطفولة :
الغيرة والناموس هندام السباع
وانت مو انسان خاطر تلبسة
منين ما افرك تجي ابراسي الضباع
اخذ تاريخ الاسد روح ادرسة
بساحة وبميدان ما شفتك شجاع
شفتك مفجرلي ساحة مدرسة
.................................................. ...............
(رساله الى الارهاب حصرا) لسان حال مواطن عراقي.
كابلتها بزود من صاحت تعال
الدنيا وشجابت زلم وياها
ومارهبني الموت ساعات النزال
علمتها المرجلة ومعناها
بيدي خابط مايها وشارب زلال
وهي فحطت وانة راوي ضماها
انة شلت الغيرة من طكها العضال
وانة من دون البشر خاواها
جفي من حلك السبع جاب السؤال
وغيري يمة وخاف ما جاباها
دون ولد الملحة معدودة الرجال
وذاك من ذاك الصعد لسمـــاهـــا
معزب وبالضيج تشهدلـــي الدلال
جفوفي مــــــــا اضمنها للينخاها
شيخ وانة صغير ما ارافك جهال
والخــفيــفة تصدنـــــــي واتعداها
كلبي من طين الوطن شايل خصال
وروحي تفزع حتة للعاداها
ثكيل طبعي ومني متعلمة الجبال
ما تهم للسيل لو وازاها
واليجيني بحاجة يدلل دلال
لبابة توصل كبل لا يتناها
انة حاويهة كبل حوك السلال
موش توة وبعدة ما ضاكاها
اعراقي تجاية ظهر للحملة مال
وصيتي دك سابع سمة وخطاها
حيرت شماتي واضحك للثكال
الدمعة اضمها وجفني ما شافاها
وابتسم للموت من يحمة القتال
بسيف ذو الفقــــــــار جفي اتباها
من اثور الكون يوكفلي اعتدال
واكلب الكاع واطك مكفاها
صوابي مر بركابهم سوة انعزال
وســـــــــــاحة الميدان فكت فاها
والله من اخلاقي منطيك المجال
ليش تجبرني واكشف اغطاها
كلي يا دين النزل وبذبحي كال ؟
ماكو بس شمرك اهو الكالاها
ويا رسول الردت من عندة الوصال ؟
ماكو مرسل بالقتل وصاها
ربنا ما كايل ابد دمي حلال
الجنة مو مطعم الك سواها
وانت وي شمس الله فجرت العيال
موش لله تروح لجل اغداها
من الحليم احذر لون صابه انفعال
من يطك جتال ما يخطاها
وحك ملح البصرة نشتلكم شتال
العال بينة بصدرة يتلكاها
رد مع اقتباس
المشاركة الأصلية كتبت بواسطة اجمل انسانة
