السلام عليكم ..حبيت اشاركم الفرحة بفوز المنتخب بهذه الكلمات التي كتبت لاغنية بمناسبة فوز المنتخب بقلمي لمطرب ما ..كال اغنيها بحالة الفوز هههه
اهديها حصرية لمنتدى درر العراق
ويارب مبروك علينا وعليكم الفوز ودوم الفرحة ان شاء الله لهذا الشعب المسكين يوحده ويبعد عنه كل حزن وشر
سباع وحدوا كلمة وطشوا بالوطن فرحه
اطياف الشعب خرزات لضموها بفرد سبحه
عراقي و متوارث غيره
بضحكه للحزن يديره
هلهوله من الدمعه يحول من كَول هذا ابن الملحه
هوسه للكورس(سوهها أولاد الملحه......جابوها لبلادي الفرحه)
حضاري باللعب من بابل وأشور
مايرضى بهزيمه على الخصم دمه يفور
عالقيثاره مدوزن لعبه
مايرحم للكَول يتعبه
الشبجه ترتعد من صوب على الكَول
تغمض العارضه للقائم يجرحه
هوسه الكورس (سوهها أولاد الملحه......جابوها لبلادي الفرحه)
من يلعب لعب فنان بضميره حط اهله وناسه
عراقي ومتعود على الفوز عيب وينحني راسه
مايرضه متعود ع الكاس
الغيره من جده العباس
على عناد القنابل والقتل والارهاب
بعيون الليالي هدف شمس صبحه
هوسه الكورس (سوهها أولاد الملحه......جابوها لبلادي الفرحه)
رد مع اقتباس
