يلمنطيني ظهرك ...الله لاينطيك
عافونه ومشو جنهم ولا يدرون
بدون عيونهم منعيش ابد لحظه
واجه فرض الشماته وكابلو هلعين
كل واحد متاني بدمعي يتوضه
خلونه نحس بحساس ابد مو زين
مثل العنده غيره وينحجي بعرضه
رادو روح مني وكلت فدوه الروح
هاي سنيني الهم كلها بلعرضه
الشايفهم ذهب عمي العتب علشوف
طلعو شو شبه لا حتى مو فضه
التمد ايدك تريد اتطلعه من الظيم
يجر للقهر جفك لمن يعظعه
عشرتهم قهر اكلت شباب الروح
مثل حال الخشب لو عاشر الأرضه
أنفض ذكريات يجوز سهله تصير
بس هذا الوقار براسي شينفضه
تركولي اثر بكل خطوه دمعه تطيح
عنهم لا بعد للموت ما ارضه
راحو لليريدن بيه يشمت حيل
وراح العمر مني هذا شيعوضه
الكتبتلهم قصايد! علشعر كالو عيب
وحق ربك حرام بحقهم الومضه
رد مع اقتباس
