فزعنه اعله الحشر يحسين.....اوكفنه بجفة الميزان
تحيرنه الصراط منين .....ضلمه معتم الميدان
لجن عيني تريد اشوف ....وعد مكتوب بالقرآن
نزل محفوظ بذن الله ...كتاب الخاتم الاديان
يكول الما يحب حسين ...حطب موقود للنيران
وانه بساحة المحشر....أجاني صوت عالي الشان
يكول البصر خل ينغض ...حضرت سيدت الاكوان
رضاها من رضا الباري ...زجيه وللخلك عنوان
تناشد ربها ودكله ....جرم عباس شنهو الجان
كطعوا جفه من أيده ...وتوسد جسمه عل تربان
جفه اليوم اريدنهه ....واريد اتبدله بجنحان
وفه مني لبن حيدر ...شجاع مخوف الفرسان
صولاته تصد بأذني .....ولحن سيفه نشيد احزان
شكف من المنايه حسين ...وحامه بغيرته الوليان
ليث الغاضريه كون ...يلبس اجمل التيجان
خاطبها الجليل وكال ...جزه الاحسان بالاحسان
يزكي وي علي الكوثر ....ويصيح الماي يا عطشان
الاهي وشكوه ارفعها...بدليل مأيد برهان
بقميص حسين مطبوعه...حوافر خيلها العدوان
يشوف اخيام محروكه ...وعليل مكيد وعطشان
تباهل لله متعني ...مثل ذيج ويهل نجران
كشف راسه ورفع ايده ...وهتف للواحد الديان
لبيك النحر موجود ....اثبت بيه خمس اركان
واهدي الكربله دمي ...واغطيها بكسانه المجده الرحمن
بقلمي,, وسئل الله الاجر والثواب
رد مع اقتباس
