شرد اسولف وانه سالفتي مصيبة
وشرد اكولن من نزف دمع الحبيبة
أهلي ياناس أظلموني
وعنها بالكوة ابعدوني
وحققوا همه هدفهم
ودفعت اني الضريبة
شرد اسولف واني سالفتي مصيبة
دمروا كلشي بحياتي
وزرعوا بكلبي الالم
وجنت خايف من اهلها
تالي ضربوني بسهم
اهلي همه الدمروني
وادري سالفتي غريبة
شرد اسولف وانه سالفتي مصيبة
خيروني بين اعوفك
وبين اعوفنهم واروح
ادري صعبة ما اشوفك
وادري ماتشفى الجروح
اهلي لجروحي التهاب
وانتي لجروحي طبيبة
شرد اسولف وانه سالفتي مصيبة
افترت الدنية علية
وللابد انه خسرتج
يلي ضحيتي بحياتج
للاسف انه خذلتج
كوة عنج ابعدوني
وكوة جابولي خطيبة
شرد اسولف وانه سالفتي مصيبة
رد مع اقتباس
المشاركة الأصلية كتبت بواسطة الساندرلا
