ﺣـــــﺎﻳﺮ ﺍﻣﻨﻴﻦ ﺍﺑــﺪﻱ ﻣﺎﺍﻋﺮﻑ ﺷﻜﻮﻝ
ﻋﻠـﻪ ﺍﻟﻨﺎﺱ ﺍﺗﻌﺼﺒﺖ ﻓﻌـــﻞ ﻭﻓـــــﻜﺮ
ﺧــﻞ ﺍﺳﻮﻟﻒ ﻋـﻦ ﻛﺒﻞ ﺣﻠــﻮﺓ ﺍﻟﺤﻴﺎﺓ
ﻧـــﺬﻛﺮ ﺍﻟﻠﻪ ﺑﻜـــﻞ ﻭﻛـــﺖ ﻟﻴﻞ ﻭﻓــﺠﺮ
ﻣــــــﺎﻧﻔﻮﺕ ﺍﻱ ﻓــﺮﺽ ﻭﻗﺖ ﺍﻟﺼــﻼﺓ
ﺍﺑﻴـــــﻮﺕ ﺍﻟﻠﻪ ﺗﻨﺘـﺮﺱ ﻣﻴﻀــــﻞ ﺷـﺒﺮ
ﺍﺧــــــﻮﺓ ﺟﻨﻪ ﺍﺑﻴﺖ ﻭﺍﺣــــﺪ ﻋﺎﻳﺸﻴﻦ
ﺳﻨـــﻲ ﺷﻴﻌﻲ ﺩﻭﻡ ﺍﺑــــﺪ ﻣﺎ ﺗﻨـﺬﻛﺮ
ﻣــــﻮﺵ ﺧــﻮﻓﺎً ﻣﻦ ﻓﻼﻥ ﺍﻭﻻ ﻓـــﻼﻥ
ﺭﺣﻤﺔ ﺟــــــﺎﻧﺖ ﺑﺎﻟﻜﻠﺐ ﻋـﺪﻧﻪ ﺷﻜﺜﺮ
ﻣــــــﺎ ﻧﻔﺮﻕ ﺍﻟﻠﻪ ﻳﺠﻤﻌﻨﻪ ﻭﺭﺳـــــﻮﻝ
ﻭﺑﻮ ﺣﺴﻴﻦ ﺍﻧﺼﻴﺢ ﺗــــــــﺎﺝ ﻭﻧﻔﺘـﺨﺮ
ﻭﻓﺠـــــﺄ ﻃﻔﻮ ﺑﻴﺘﻨﻪ ﻭﺍﺻﺒــــﺢ ﻇـــﻼﻡ
ﻭﻣـــﺎﻧﻌـــﺮﻑ ﺍﻟﻌﻠﺔ ﻭﻳـــﻦ ﺑﻴﺎ ﻛـﺘــــﺮ
ﺻﺮﻧﻪ ﻧﺴﻤﻊ ﺑﺲ ﺻﺮﺍﺥ ﺍﺣﻨﺔ ﻭﻧﺤﻴﺐ
ﺛﺎﺭﻱ ﺩﺧﻠــــﻮ ﺑﻴﺘﻨﻪ ﺍﺣـــــﻔﺎﺩ ﺍﻟﺸﻤﺮ
ﺫﺑﺤــــــﻮ ﺍﻻﻃﻔــــﺎﻝ ﻭﺍﻏﺘﺼﺒﻮ ﻧﺴـﺎﺀ
ﻟﻠﻪ ﻧﺴﻤﻌﻬﻢ ﻳـــﺬﺑﺤــــــــــﻮﻧﻪ ﻧــﺬﺭ
ﺧــــﺮﺑﻮ ﺧـــــﻮﺗـﻨﻪ ﺍﻭﻻﺩ ﺍﻟـﺤـــــــﺮﺍﻡ
ﺻـــــﺎﺭ ﻭﺍﺣــــﺪ ﻳﻨﻌﺖ ﺍﻟﺜﺎﻧــﻲ ﺑﻜــﻔﺮ
رد مع اقتباس
