ﻣﻦ ﺟﺮﺡ ﻟﺠﺮﺡ ﻳﺎﻧﺎﺭ ﺍﺩﺍﻭﺭ ﺑﻴﻚ
ﺗﺒﺮﺩ ﻣﻦ ﻛﺘﺮ ﻭﻟﻜﺘﺮ ﺗﺠﻮﻳﻨﻲ
ﺫﺑﻠﺖ ﺑﻤﺤﺒﺘﻚ ﺯﻫﺮﺓ ﺍﻟﻌﺸﺮﻳﻦ
ﻭﺑﺮﻳﺤﻚ ﻃﻔﺖ ﺷﻤﻌﺔ ﺛﻼﺛﻴﻨﻲ
ﻣﺎ ﺍﻋﻮﻓﻚ ﺑﻌﺪ ﻣﺎﺧﺬ ﻋﻬﺪ ﻋﻠﺮﻭﺡ
ﻭﻗﺎﺑﻞ ﻟﻮ ﺣﻄﺐ ﻟﻠﻨﺎﺭ ﺗﺮﻣﻴﻨﻲ
ﺍﺗﻨﻔﺲ ﻫﻮﺍﻙ ﺑﺰﺣﻤﺔ ﺍﻟﺪﺧﺎﻥ
ﻭﺍﻛﻮﻟﻦ ﻫﻢ ﻳﺤﻦ ﻛﻠﺒﻪ ﻭﻳﻄﻔﻴﻨﻲ
ﻣﻮ ﺛﻮﺏ ﻭﻳﻨﺰﻋﻚ ﺟﺴﻤﻲ ﺣﺘﻰ ﺍﺭﺗﺎﺡ
ﻭﻻ ﻛﻞ ﻳﻮﻡ ﻃﺒﻌﻲ ﺑﺜﻮﺏ ﺗﻠﻜﻴﻨﻲ
ﺍﺣﺒﻚ ﻣﺪﺭﻱ ﻟﻴﺶ ﻭﻟﻴﺶ ﻣﺪﺭﻱ ﺷﻠﻮﻥ
ﻭﻻ ﺟﻮﻳﺎﺕ ﻧﻴﺮﺍﻧﻚ ﺗﻄﻔﻴﻨﻲ
ﻣﺎﺍﺩﻭﺭ ﻛﻤﺖ ﻋﺰﺓ ﻧﻔﺲ ﻭﻳﺎﻙ
ﺑﺲ ﻳﻨﺠﺎﺏ ﻃﺎﺭﻱ ﺍﺳﻤﻚ ﻳﺒﺠﻴﻨﻲ
ﻳﺎ ﺍﺟﻤﻞ ﺣﻠﻢ ﻋﺸﺘﻪ ﺑﺨﻴﺎﻝ ﺍﻟﻨﻮﻡ
ﻭﻗﻴﺜﺎﺭﺓ ﻟﺤﻦ ﺻﻮﺗﻚ ﺗﻮﻋﻴﻨﻲ
ﻣﺤﺘﺎﺟﻚ ﺣﺒﻴﺒﻲ ﺑﻜﺜﺮ ﻣﺎ ﻣﺤﺘﺎﺝ
ﻭﺍﺣﺪ ﻳﻔﺘﻬﻢ ﺣﺠﻴﻲ ﻭﻳﺤﺠﻴﻨﻲ
ﺯﻳﻨﺘﻚ ﺿﻮﻩ ﻭﺻﺎﺭﺕ ﻋﻠﻴﻚ ﺍﻟﻌﻴﻦ
ﻭﺣﺮﺍﻣﻴﺔ ﺍﻟﻌﺸﻚ ﺗﺮﺳﺖ ﺑﺴﺎﺗﻴﻨﻲ
ﺳﻮﻟﻔﻠﻲ ﺍﻟﺘﺮﻳﺪﻩ ﺟﺮﻭﺣﻲ ﺗﻌﺒﺎﻧﺎﺕ
ﺧﻠﻴﻨﻲ ﺍﻓﺘﻬﻢ ﺷﺘﺮﻳﺪ ﺧﻠﻴﻨﻲ
ﺍﻧﻪ ﻭﻳﺎﻙ ﻭﺍﺿﺢ ﻣﺜﻞ ﺷﻤﺴﻚ ﻫﺎﻱ
ﻭﻏﺮﺑﻴﻞ ﺍﻟﻌﻮﺍﺫﻝ ﻣﺎ ﻳﻐﻄﻴﻨﻲ
ﻭﺍﻧﻪ ﺑﻐﻴﺮ ﺣﺒﻚ ﺻﺪﻙ ﻧﺎﻗﺺ ﺩﻳﻦ
ﺍﺣﺒﻚ ﻭﺍﺭﺩ ﺍﻛﻤﻞ ﻭﻳﺎﻙ ﻧﺺ ﺩﻳﻨﻲ
رد مع اقتباس