غاليني هجرك غلي- بالراس احس عطاب
مني شبقالي وشلي----كالشاة وسط اذياب
واحد يعض كاحلي--- وواحد يغرز انياب
وواحد يجر مفصلي- ذيب الهجر كصاب
چيلات هجرك صلي-- وانه بقالي اصواب
لو اصيبك وابتلي--- لو منك انه انصاب
ابدمي لا تبتلي------ باچر وراك احساب
تذكر حلفنه بعلي---نخلص عمرنا احباب
شو صدگت عاذلي-- ---وسويتني چذاب
ما چنك الاولي-----ما ترضه حته اعتاب
للصلح راحو هلي------- ورديتهم عالباب
هنياله گلبك خلي--- منين جبت اعصاب
لاهزتك دمعه الي-------- ولابچتك غياب
غاليني هجرك غلي -ابگلبي احس عطاب
كلمات
ناصر اسماعيل الموزاني
رد مع اقتباس
المشاركة الأصلية كتبت بواسطة مازن
