تتــــــذكرنـــــــــــي
تذكرني بس گلبك
كون الذاكره اتسعفه
انه اول نبض دكيت بي
واول هوى ورجفــــــه
لوحه وبيه نار وليل
بلابل شارده وزفــــــه
انه المنخذت جفك
كلشـــــي مابقه بجفه
انه الظل اثر جدمك
لهسه طابـع بجتفه
جمع صورتي من الريح
كض محارة العفـــــــه
الگالي بخيالك خيط
فك سنيـن ملتفــــه
دور وين ماشي الموت
واندل جرحي من نزفه
دورعن ملامح روح
ملامح وجهي مختلفه
دور مثلي من ظليت
ادور للدمع صرفــــــه
من خليت بيه احبابي
والشمات تتشفـــــــــــه
صرت بموقف الينباگ
لحنه او واحد يعزفــــــه
عفتني اتعثرت والشوف
گد موادعك كفـــــــــه
افرش علجفون وعود
حتى اسرارهن تدفــــه
اشيل من الزعل بصمات
خاف الوادم تكشفــه
يالتارك دلليل اثبات
ضحكه وسالفه وشفه
بطعناتك ولاحسيت
مثل حجايتك ترفــه
لاتذكرني مثلي هواي
ترضه بعيشة المنفه
ولسان الشراع ايطول
من ايفارگ الضفـــه
خلص بستان نخل الشوك
وانه بعازة الســـــعفه
اظل عطشان بس ماضوگ
من طيفك بعد رشفه
التجيبه الصدفه مره يجوز
ترجع تاخذه الصدفه
رد مع اقتباس
