طريقة عمل الباستا بالصور
اول شي نبدء بعمل الصلصه الحمره ..
وهي عباره عن طماطم .. وفلفل اخضر .. ومعجون طماطم .. وماي
وتقريبا .. 3 حبات طماطم .. و نص فلفل اخضر متوسطه .. و معجون طماطم .. كاس ماي
نحطهم بالخلاط ونخلطهم ..
وبعدين نحطهم بقدر صغير.. ونخليهم على نار هادئه لما يصير غليظ ..
بعضهم يحبون الصلصه حمره .. لما تشوفون لونها فاتح زيدوا عليها معجون طماطم بعد واحد ..
بعدين نضيف لها البهار .. ( فلفل اسود .. دقوس .. فلفل احمر .. ثوم مطحون .. كمون.. واشوي ملح ) واي بهار تحبونه ..
وبعدين ننتقل للصلصه البيضه ..
في انواع وايد للصلصه البيضه ..
كل اشخاص يسونها بطريقه ..
واني لما سويتها ، سويتها بهاذي الطريقة .. 3 مكعبات جبن كيري .. و1 قيمر .. و 4 كاس ماي .. 6 ملاعق حليب بودره .. 7 الى 10 ملاعق طحين .. واشوي ملح
الصورة مصغرة أنقر هنا لرؤيتها بحجمها الطبيعي 800*536
وبعدين نحطهم في قدر على نار هاديه .. لما يصير غليظ ..
مثل صلصه الباشميل
نقطع كوسه .. ومشروم
و نقطع شرايح دجاج .. او بعضهم يحبون سجق .. او ربيان ..
و نسلق المعكرونه ، على حسب الرغبة .
الصورة مصغرة أنقر هنا لرؤيتها بحجمها الطبيعي 800*536
ناخذ مقله اشوي واسعه .. ونحط فيه اشوي زيت ونحط فيه اشوي كوسه ومشروم ونحركه
بعدين نضيف عليه الدجاج .. مع اشوي ماي .. ونحركه لما يستوي الدجاج .. ويتبخر الماي
لما يتبخر .. نضيف عليه اشوي من المعكرونه .. و تقريبا 4 ملاعق كبار صلصه بيضه و ملعقتين كبار صلصه حمره
وحسب المزاح .. بعضهم يحبونه حار اكثر .. فيزيدون الحمره .. والعكس
اذا حسيتوا انها غليظه مره .. ضيفوا اشوي ماي ..
ونخليهم اشوي يغلوو ..
ونحط عليه جبن الموزريلا .. او اي جبن تحبونه .. ونطفي النار ونخلطه معاه
لانه الجبن يذوب بسرعه
وفي النهاية قدموها ساخنة
الصورة مصغرة أنقر هنا لرؤيتها بحجمها الطبيعي 800*536
رد مع اقتباس