من اجمل ما احتوته مكتبة الادب الشعبي هذه القصيدة التي تمثل محاكاة بين ابن الفقير وابن الغني للمرحوم الشاعر الكبير كاظم خبط
يمه ذوله اهل القصر ما لاعبوني
يمه من شافوني اجيت تنادسوا واستغربوني
يمه ماسموني باسمي
وكالو هذا ابن الفقير وشتموني
وكالو هذا ابن الصريفه وعيروني
يمه جا هو الفقير اشسوه من نجله ابعمرهم ؟
يمه جا هيه الصريفه شماخذه وخايف قصرهم
يمه كالوا لاتمر منا بعد بالك تشم ريحة وردنه
وكالو بجدمك الحافي نخاف يترب عكَدنه
يمه عدهم كلشي عدهم واحنه بس الماكو عدنة ..
يمه لعابات عدهم مدري شنهي , وانه لعاباتي طين
, يمه حته ثيابهم مستغربتني يعاتبن ثوبي الحزين
, يمه جا ليش احنه فقره وليش اهلهم زناكَين
يمــــــه دين الفقره متعب خل نبدله بغير ديــــــن..
وليش ماعدنه قصر عالي مثلهم ؟
موش ابونه اليبني هاي قصورهم كل هالسنين
وليش ماعدنه ورد يمه مثلهم؟
موش ابونه اليزرعلهم بساتين؟
يمه مو كتيلي مره . ابنادم اطباعه تهم مايهم لونه ..
ويمه مو كَتيلي مرة .
يمه ثاري بس الكَمر بالدنيه يحبنه
اعلينه يسهر دوم ماغمض اعيونه
يمه خاف الكَمر هم ينباع والهم يشترونه .؟
يمة امس مر بينة فارس
خضرن دمعاتنه بروحه سوالف
لونه لون وجوهنه ويشكي مثلنه
يمه والعباس جنه من الصرايف
سولفنه شكثر سولف كلهن سوالف جديده
يمه كَال الحكَه بيد الغير جا شيسوي بيده
يمه كَال السكك كثرة . الفرح بالسكة البعيده
رد مع اقتباس
