السلام عليكم
اليوم حبيت اشرح طريقة جدا مهمه دائما الاصدقاء يسألوني عليها وهي
طريقة ربط راو ترين مع بعض بنفس الاشارة ( يعني شنو ) !!
يعني عندك نانو واحد وعندك راوتر وبيتكم طابقين متوصل الاشارة للطابق الثاني
او تريد ترسل لبيت جيرانكم ومتوصل الاشارة شسوي ؟؟ ناخد كيبل من الراوتر
الاول ونربط بيه راوتر ثاني
هااا شكلك مو كلش فهمتني شوف الصور الي سويتها توضيحيه
عمي ليش تضحك على التصميم مو كتلك توضيحي عاااااا
طبعا الراوتر الاول كلشي مانغير منه التغير من الراوتر الثاني
اولا ندخل على الراوتر الثاني تعرف شلون مووو ؟؟
اذا متعرف تدخل تكتب هاي الايبيات 192.168.0.1 أو 192.168.1.1
تلكاها على الباكيت مالت الراوتر
واذا مغير الايبي وناسيه شسوي ؟؟
تكتب ب run ثم cmd
بالوحه مالت cmd تكتب الامر nslookup
يظهر ايبي الراوتر مالتك هسه لهنا اوك
ندخل يطلب الاسم والباسورد نكتب admin والباسورد هم admin
واذا مغير وناسي الباسورد مشكلتك هاي هههههههههه اتمازح ادا ناسي
تروح ترست وتكتب pin موجود بظهر الجهاز ويرجع الاسم admin <admin
طبعا هسه ادخلنه على الراوتر تظهر هاي الوحه نختار منها WPS نغلقه كما في الصوره
وثم NETWORK ونختار منها LAN وراح نغير الايبي كيفك تخليه مثلا 99.99.99.99
راح يطلب ريستارت رست كما في الصوره
وثم نروح ل WIRELESS SETTINGS نبدل الاسم الشبكة
ومن WIRELESS SECUITY نغير الباسورد كما في الصوره
طبعا هدا الباسورد مالتي مو احد ياخده
حرف الدال معلك عندي الفوكاه نقطة موعبالك اثرم انه ههههههههههه
ومن ثم نذهب الى DHCP SETTINGS ونجعلها DISABLE وهيه خطوه جدا مهمه كما في الصوره
طبعا تربط الكيبل بالراوتر الثاني عن طريق الفتحات الثانويه ( يعني الاصفر ) واي شي مو واضح بس كول بالموضوع وبصوره عامة يخص الشبكات لان اختصاصي
هااا صدك ممكن تثبيت لاهمية الموضوع تحياتي
رد مع اقتباس
المشاركة الأصلية كتبت بواسطة حيدر الغديري
