شوف شـــــگد سهر ضل عاجز الليل
مــــــا يگدر يصــــل ليل المسـاكين
وانه مســـــــــكين مـــاتت بيه الاحلام
مــو مــــوت الله ماتن بالســچاچين
تـــــــگص چفوفي واصبر رايد وياك
امســـح بيش دمعي الغرگ الـــعين
ولــــــــــو مو عيب دمعي وانه معتاز
اذا شـــــــح النهر تبچي البســــاتين
عله وجـــه الارض مـــــــافكرت بيك
لان فوگ الارض شـفت الــــنياشين
فكـــــــرت بشعب عــــايش بــالاحلام
يمشي ويالشـمر وبگلبه لحــــسين
منتظرك عمــــــر يوميه امـــــــر بيك
كل مــــــــا مر عليك تگلي بــــعدين
كـــــــــل عـــــــيد اليمر يتبدل الثوب
بــــس ثوبي الوحيد ملطخ ابــــطين
خلص عمر الصبر بــــس اكتب اهات
وعـكس دور الزمان ادور الســـنين
وامشي بلايه صوتي من امشي وياك
مثل مشـي الحرامي ويه الحـــياطين
متهوم علـــــــــــه جلدي وياك ضليت
صرتلك كعبه ليش انته ابرهه اتصير
هــــــبل معبود چــــــان وفلشه الفاس
انــــــــــــه الفاس لازم حيدره اتصير
وگلت احلم چذب مــــــن يقره الاحلام
يــوســف مــــــاطلع ليـــــهسه بالبير
اصفن عــــــالوكت بس يصفن وياي
هـــــاي اشـــلون حيره وبيمن اتحير
وراح اكتب شعر بــــــــس لازم بليل
خـــــــاف اتخون ويـــــاي التــــعابير
حته الشعر مــــــــن ما تفهمه الناس
چنت نعسان اگلــــهم عنــــدي تفسير
وطن اضحك چذب مــن اضحك وياك
مـــثل ضـــحك الخشب ويه البسامير
ولتـــــــــغرك ضحكته العاش جوعان
الــــــوجه مـــــودوم صادق بالتعابير
انته اكبر وطن بـــــــس يمـــته الگاك
وشــــــوفك يـــــــاوطن لو بالتصاوير
تـــــــعال اگرب علــــــي خلينه فد ايد
صـــــــــــدگ مـاتشوف النوب تفجير
اذا ســــــــديت حلگ العازه والجوع
انــــــه بيدي اســــــد حلگ الشواجير
عشت لجلك صــــــــــــگر لفيتني بقيد
عندي جنـــــــــــــاح واتحسر عليطير
رغــــــــــــــم ذلك اعيش وياك للموت
عســــــــل بشفافي انته اشلون متصير
چبير انته رغــــــــــم كل الجره وصار
لان يحســـــــــب وطن عش العصافير
رد مع اقتباس
المشاركة الأصلية كتبت بواسطة لانا احمد
