يا وطن ماكو كلمه بعد الك تنكال
كعد بيك النذل ياكول و يتمخطر
و سألت الناس شوكت يعدل الحال ...
ضحكوا و كالولي غيرك جان اشطر
حالك مثل حال البيت من اهله ينعاف
و يجي بيه الغريب ينهش و يتبطر
كبل جان عطرك اطيب عطر بالكون
و هسه صار جوك بعطر الموت متعطر
كبل جان يتمنه اي واحد ينولد بيك
صفيت انت مكبره و بيك الجثث تصطر
من حال اهلك يا وطن اتبجي الحجار
و شوفت ناسك يموتون حتى الجبل يتفطر
عمت عين الزمن الخلاك هيج تصير
و يجي اليسوه و المايسوه عليك يتشطر
ياعراق وينك شو ماكو انت اهنا ؟؟؟؟؟
بخاريطة هل عالم سموك انت الاخطر
هل دنيه كلها الغيم يمطر عليهم ماي
بس انت عليك تيزاب الغيم مطر`
الف مره يا الله تفرجها احنه نكول
على نقطة فرج منك هل شعب يتنطر
رد مع اقتباس
