كل الناس تدري بيوم حبيتك
كل الناس تدري بيوم حبيتك
بس تبقى لغز ما تنكشف للغير
يروحي بروح الروح ضميتك
ضميتك و اغار من الهوى يحاچيك
و من گد ما غرت ما يوم حاچيتك
يا نسمة هوى شمدريني راح اهواك
گلت مثل الهوى و ما ادري .. شميتك
من ذاك الوكت ما غبت عن البال
الگلب بسمك تسجل وانحسب بيتك
حجر كل البشر بس گامو يحنون
قطرة نطيتهم من بحر حنيتك
يا نهر العشگ يا سلم الافراح
عطشان و حزين و واگع و جيتك
رايد كلمه منك مو كلام هواي
و اذا انت تريد الروح لبيتك
بس كلمة احبك كافي عاد ارجوك
حت لو بالچذب بس گول حبيتك
رد مع اقتباس
